فوتو: adyrna.kz
«قۇرمەتتى جەرلەستەر! وڭىردە سۋ تاسقىنى جاعدايى كۇردەلى. وبلىس ورتالىعىنا ۇلكەن سۋ كەلە جاتىر. قيىن ساتتە ەل باسشىلىعى بىزگە قولداۋ كورسەتىپ وتىر. پرەزيدەنتىمىز قاسىم-جومارت كەمەل ۇلى توقاەۆتىڭ تاپسىرماسى بويىنشا وبلىستا جۇمىس ساپارىمەن ەكى رەت پرەمەر-مينيستر ولجاس اباي ۇلى بەكتەنوۆ بولدى. قازىر وبلىستا ۇكىمەت باسشىسىنىڭ ءبىرىنشى ورىنباسارى رومان ۆاسيلەۆيچ سكليار تاسقىنعا قارسى جۇمىستارعا باسشىلىق ەتىپ جاتىر. تۇرعىنداردىڭ ءومىرىن ساقتاۋ - ءبىزدىڭ باستى مىندەتىمىز», دەدى وبلىس اكىمى.
اكىم وڭىردە سۋ تاسقىنى جاعدايى ءالى دە كۇردەلى ەكەنىن جەتكىزدى. ونىڭ ايتۋىنشا, سۋ تاسقىنىنا قارسى بارلىق قاجەتتى شارالار قابىلدانىپ جاتىر. ءبىرىنشى كەزەڭدە ەلدى مەكەندەردەن ەرىگەن سۋدى بۇرۋ جۇمىستارى جۇرگىزىلدى.
«ال قازىر ۇلكەن سۋ ەسىل وزەنىمەن وتەدى. شامامەن ءبىر-ەكى كۇننەن كەيىن سۋ وبلىس ورتالىعىنا جەتەدى. پريبرەجنوە جانە تەپليچنوە اۋىلدارىن, زارەچنىي كەنتىن سۋ باسۋ قاۋپى بار. وسى كۇندەرى ءبىز بوگەتتەردى سالۋ جانە نىعايتۋ بويىنشا تاۋلىك بويى جۇمىس ىستەدىك. اۋىزسۋدى ۇزدىكسىز جەتكىزۋ ءۇشىن ءبىرىنشى كوتەرۋ سورعى ستانتسياسىنىڭ اينالاسىنداعى بوگەتتى نىعايتتىق. ءبىزدىڭ ەلدى مەكەندەردى قورعاۋ بويىنشا بۇرىن-سوڭدى بولماعان شارالار قابىلداندى. الايدا, بۇل جەتكىلىكسىز بولۋى مۇمكىن. پەتروپاۆلعا قاراي ۇلكەن سۋ اعىنى كەلە جاتىر», دەدى عاۋەز نۇرمۇحامبەتوۆ.
