فوتو: primeminister.kz
زارەچنىي كەنتى مەن ساياجايدا تۇراتىن 32 ادام ءوز ۇيلەرىنەن كوشۋدەن باس تارتىپ وتىر. تۇندە ەلدى مەكەندى ارالاعان پەتروپاۆل قالاسىنىڭ اكىمى سەرىك مۇحامەديەۆ پرەمەر-ءمينيستردىڭ ءبىرىنشى ورىنباسارىنا وسىنداي اقپارات بەرگەن. بۇل مالىمەتتى ەستىگەن رومان سكليار تۇرعىنداردى جەدەل تۇردە ءماجبۇرلى تۇردە ەۆاكۋتسيالاۋدى تاپسىردى.
«مەن اكىمدىككە, پوليتسيا دەپارتامەنتىنە جانە توتەنشە جاعدايلار دەپارتامەنتىنە تۇرعىنداردى ءماجبۇرلى تۇردە ەۆاكۋتسيالاۋدى باستاۋعا تاپسىرما بەرەمىن. ادامداردىڭ قاۋىپسىزدىگىن قامتاماسىز ەتۋ ماڭىزدى. ەشكىم زارداپ شەكپەۋى قاجەت. ويدا جوقتا سۋ كەلىپ قالسا, جاعداي مۇلدەم باسقاشا بولادى. بۇعان جول بەرمەۋىمىز قاجەت», دەدى ول.
سونداي-اق ۆيتسە-پرەمەر ويقالا ىقشام اۋدانىنداعى اينالما جول ۋچاسكەسىندەگى بوگەتتى تەكسەرىپ, كوجەۆەننىي كەنتى مەن ۋششەۆ كوشەسىندە سالىنىپ جاتقان بوگەتتەردىڭ جاعدايىن كورىپ قايتتى.
