فوتو:تجم
قالا باسشىسى سۋ باسۋ ايماعىندا ورنالاسقان ەلدى مەكەندەر مەن ساياجاي يەلەرىنە شۇعىل كوشۋ تۋرالى تاعى دا ۇندەۋ جاسادى. س.مۇحامەديەۆ قازىرگى احۋال 2017 جىلعى تاسقىننان دا اۋقىمدى ەكەنىن, جاعالاۋدى نىعايتۋ جۇمىستارى جۇرگىزىلىپ جاتقانىمەن, زارەچنىي كەنتىنىڭ قاۋىپتى ايماقتا ورنالاسقانى الاڭداتىپ تۇرعانىن ايتتى.
«زارەچنىي اۋىلى ەرەكشە قاۋىپتى ايماقتا تۇر. 2017 جىلى 132 ءۇي مەن جۇزدەگەن ساياجاي سۋ استىندا قالدى. سەرگەەۆ سۋ قويماسىنىڭ توبەسىنەن اسىپ كەتۋ سول كەزدە 338 سم بولعانىنا قاراماستان, بۇگىنگى جاعداي كوڭىل كونشىتپەيدى. سۋ 425 سم-گە جەتىپ, سۋ دەڭگەيى كوتەرىلىپ جاتىر. ءىرى سۋدىڭ ءبىرىنشى تولقىنى زارەچنىي اۋىلىنا باتىس جاقتان قۇيما كولىندەگى سۋ دەڭگەيىنىڭ كوتەرىلۋى ناتيجەسىندە كەلەدى. 2020 جىلى مۇندا بيىكتىگى 2,8 م جاعالاۋ ورناتىلدى, ول بۇگىنگى كۇنگە دەيىن اۋىلدىڭ شىعىس بولىگىن قورعاپ كەلدى, بۇل زارەچنىيدى جىل سايىنعى سۋ تاسقىنىنان قورعاۋعا جەتكىلىكتى بولدى. قازىر جاعالاۋدى 4,5 مەترگە دەيىن نىعايتىپ جاتىرمىز. بارلىق قىزمەتتەر, ەرىكتىلەر جانە قاراپايىم تۇرعىندار جۇمىلدىرىلعان. ءبىز ونى بۇدان دا جوعارى تۇرعىزا المايمىز. زارەچنىي وزەنىنىڭ جايىلماسىندا ورنالاسقان. الدا قيىن قاۋىپ-قاتەرگە دايىندالۋ كەرەك دەگەندى بىلدىرەدى», دەدى پەتروپاۆل اكىمى.
ەسىل وزەنىنىڭ ەڭ تومەنگى جەرىندە جۇزدەگەن ساياجاي بار. قالا اكىمى ءوز ساياجايلارىندا تۇراتىن ادامداردى ەۆاكۋاتسيالاۋ مىندەتتى ەمەس ەكەنىن ايتتى.
«تۇرعىنداردىڭ كەيبىرى ساياجاي مەن تۇرعىن ۇيلەرىن تاستاپ كەتكىسى كەلمەيدى. ارينە, جىلدار بويى جينالعان م ۇلىكتى قالدىرۋ قيىن ەكەنىن تۇسىنەمىن. بىراق قازىر سىزدەردىڭ اماندىقتارىڭىز ءبىرىنشى ورىندا! سۋ ۇيىڭىزگە كەلگەنشە كۇتپەڭىز! ءبىز قازىر ارەكەت ەتۋىمىز كەرەك! تۇرعىنداردىڭ نارازىلىعىن كورىپ, پىكىرلەرىڭىزدى وقىپ وتىرمىن. بىراق تابيعي اپاتتاردى توقتاتا الماي وتىرمىز. تاعى دا قايتالايمىن, بىردە-ءبىر تۇرعىن مەن ونىڭ مۇلكى نازاردان تىس قالمايدى. قالا اكىمى رەتىندە قولىمنان كەلگەننىڭ ءبارىن جاسايمىن», دەدى س.مۇحامەديەۆ.
قىرمىزى جۇماعاليقىزى,
ەۇۋ ستۋدەنتى
