كومپانيانىڭ باسقالاردان ايىرماشىلىعى
تەمىرلاننىڭ ءوزى ءاۋ باستا وڭاي تابىسقا جەتكىزەمىز دەگەن الاياقتاردىڭ قۇربانى بولىپ, قازىرگى جۇمىسىنا ابدەن ىسىلىپ, سىنالىپ جەتكەن. ءبىلىم مەڭگەرىپ, حالىق مەن سەكىلدى الدانباسىن, ولارعا ءادىل جانە ءتيىمدى جولىن كورسەتەيىن دەگەن ويمەن وسى كومپانيانى اشتىم دەيدى.
«ايتا كەتەرلىك جايت – ءبىز سەكىلدى كومپانيالار وتە كوپ. ولار الەۋمەتتىك جەلىدە جارناما جاساپ, كريپتوۆاليۋتادان تەز ارادا تابىس تابۋدى ۇيرەتەمىز دەپ جاتادى. بىراق ولار ادامداردى قارىزعا كىرۋگە, نەسيە الۋعا ماجبۇرلەپ, سول اقشاڭدى وسىندا سال, ەكى-ءۇش ايدا پالەنباي مىڭ دوللار تاباسىڭ دەپ الدايدى. ەكى-ءۇش ايدان سوڭ تابىس تا جوق, سالعان اقشا دا جوق, قارىزعا باتىپ قالا بەرەدى. ءبىزدىڭ ەرەكشەلىگىمىز – ادامداردى جيناپ, ولارعا ءمان-جايدى تۇگەل ۇعىندىرىپ, ارعى-بەرگى تاۋەكەلىن سالماقتاتىپ, تۇسىندىرەمىز. ولار بۇل ساباقپەن شەكتەلمەي, اكادەميانىڭ ءدارىسى بىتكەن سوڭ, پسيحولوگيانى دا مەڭگەرۋى كەرەك بولادى. ويتكەنى بۇل – ترەيدينگ, ونىڭ تاۋەكەلى سان الۋان. بيرجادا سوعان دايىن بولۋ كەرەك. ءبىز ادامدارعا ۇيرەتەمىز جانە اراسىنان مىقتىلارىن ءوزىمىزدىڭ كومانداعا جيناعىمىز كەلەدى», دەيدى تەمىرلان.
اكادەميا شاكىرتتەرى قانشا تابىس تابادى؟
ايتۋىنشا, كريپتوۆاليۋتا نارىعىنا بەلگىلى ءبىر كاپيتالمەن كىرىپ, قىسقا مەرزىمدە 2-3 ەسە پايدا كورۋگە بولادى.
«شەتەلدىك ترەيدەرلەر مەن ساراپشىلاردىڭ مىسالىنا ۇڭىلەتىن بولساق, ولاردىڭ 4-5 جىل ىشىندە از كاپيتالمەن ۇلكەن تابىسقا جەتكەنىن اڭعارار ەدىك. ءبىزدىڭ كومپانيادا تالداۋ ءبولىمىنىڭ جەتەكشىسى بولىپ جۇمىس اتقاراتىن باقىتجان ەسىمدى قىزمەتكەرىمىزدى دە وسى قاتارعا قوسا الامىز. كريپتوۆاليۋتامەن تاپقان تابىستىڭ ارقاسىندا تويىن دا جاسادى, پاتەرىن دە الدى. حالىق كوبىنە ءپاسسيۆتى تابىس تۇرلەرىن قولايلى كورەدى. پاتەر ساتىپ الادى دا, ونى جالعا بەرىپ قويادى. قارجىلىق تۇرعىدان بۇل اسا ءتيىمدى نۇسقا ەمەس. سوندىقتان مەن كومپانيا اشىپ, ازاماتتارعا تۇسىندىرگىم كەلدى», دەيدى.
وسى ورايدا Tarlan Development Group Ltd تسيفرلىق اكتيۆتەر اكادەمياسىن اشىپ, ازاماتتارعا كريپتونارىقتىڭ قىر-سىرىن ۇعىندىرىپ جاتىر.
«اكادەميا جۇمىسى 2023 جىلدىڭ كۇزىندە ىسكە قوسىلدى. مۇندا بەلگىلى ءبىر ءبىلىم العان, ومىرگە دەگەن كوزقاراسى قالىپتاسقان جاستاردان باستاپ 55-60 جاس ارالىعىنا دەيىنگى ازاماتتار قابىلدانادى. العاشقى سالىمدى 10 دوللارمەن دە باستاۋعا بولادى. بىراق بارىنە ورتاق ءتارتىپ – سوڭعى اقشانى بۇل جەرگە اكەلۋگە بولمايدى. ويتكەنى ادامدا «بۇل مەنىڭ سوڭعى اقشام, تەزىرەك تابىس تابۋىم كەرەك» دەگەن پسيحولوگيا قوسىلىپ كەتەدى. بۇل جاعداي شىن مانىندە ادامدى تابىسقا ەمەس, قۇلدىراۋعا جەتەلەيدى. 2023 جىلدان بەرى 100-گە جۋىق ادام اكادەمياعا كەلىپ, ءبىلىم الدى. ولاردىڭ بىرازىمەن بايلانىستامىز», دەيدى تەمىرلان.
Tarlan Trading Academy وقۋ ءبولىمىنىڭ جەتەكشىسى سانجار بەكەتوۆتىڭ ايتۋىنشا, ىرىكتەلىپ شىققان ۇزدىكتەر ءموبيلدى قوسىمشانى جۇكتەپ الىپ, سوندا تەست تاپسىرادى, ۆيدەوساباقتارعا قاتىسادى.
«سونىمەن قاتار اكادەمياداعى ۇستازداردان ءدارىس الادى. ساباقتى ونلاين جانە وفلاين نۇسقادا الۋعا مۇمكىندىك بار. وقۋ ۇدەرىسى 3 ايعا سوزىلادى. العاشقى ءۇش اپتادا بازالىق وقىتۋ جۇرگىزىلەدى. ونىڭ اياسىندا تەحنيكالىق جانە فۋندامەنتالدى تالداۋ نەگىزدەرى ۇيرەتىلەدى. ودان كەيىن ەكى اپتا ءۇزىلىس بولىپ, ودان ءارى قاراي 7-8 اپتا كاسىبي ساباقتار جالعاسادى. جالپى, بىزدەن ءبىلىم الىپ شىققان ستۋدەنت اي سايىن 10-12 پايىز تابىسقا جەتىپ وتىرادى. ونى ءبىز ينستاگرامداعى پاراقشامىزدا ۇنەمى كورسەتەمىز. بىزگە ولاردىڭ قانشا اقشا سالىپ جاتقانى تۋرالى اقپارات كەرەك ەمەس. ەڭ باستىسى – ءبىز دۇرىس جولدى نۇسقادىق, تابىس پەن تاۋەكەل اراجىگىن اجىراتتىق, ءارى قاراي شەشىمدى وزدەرى قابىلدايدى. تەك كەي جاعدايدا «بۇگىن مىنا مونەتا ءوسۋى مۇمكىن, وعان ينۆەستيتسيالاپ كورەيىك» دەپ كەڭەس بەرەمىز», دەيدى.
قور قوماقتى اقشا تارتادى
كومپانيا ماقساتىنىڭ ءبىرى – كريپتوينۆەستيتسيالىق قور قۇرۋ. سول ارقىلى كريپتوۆاليۋتا نارىعىن مەملەكەتتىك اۋقىمدا پايدالى ەتۋگە بولادى دەيدى.
«ياعني بۇل – بيتكوين, باسقا دا كوينداردى ساتىپ الىپ, سولارعا ينۆەستيتسيا جاساپ, اينالىمعا ەنگىزۋ. ءبىراز ۋاقىتتان كەيىن سول مونەتالار ءوسۋ پايىزىن كورسەتە باستايدى. ءبىزدىڭ بولجامىمىز بويىنشا, الداعى 18 ايدىڭ ىشىندە بيتكوين باعاسى 2-3 ەسە ءوسۋى مۇمكىن. 1 ملن دوللار ينۆەستيتسيا قۇيىلسا, ول 18 ايدىڭ ىشىندە 3-4 ملن دوللار بولىپ قايتادى. وتكەن جىلى جازدا ۆيدەوساباقتاردى جازىپ جاتقان كەزدە كريپتوۆاليۋتا نارىعىنىڭ كاپيتالداندىرۋى 1,3 ترلن دوللار ەدى. قازىر 2,8 ترلن دوللارعا جەتتى. ءبىر جىل بولماي جاتىپ, 120-130 پايىزعا وسكەن. بىرەۋلەر ايتادى كريپتوۆاليۋتا ءوسىپ كەتتى, ەندى ونى ساتىپ الۋدىڭ قاجەتى جوق شىعار دەپ. شىنىن ايتقاندا, كريپتونارىقتىڭ وركەندەۋى ەندى باستالىپ جاتىر», دەيدى كومپانيا وكىلدەرى.
ايتۋىنشا, Tarlan Development Group Ltd تسيفرلىق اكتيۆتەر باعىتىن قوسۋ ارقىلى قازاقستاننىڭ ينۆەستيتسيالىق ارسەنالىن ءارتاراپتاندىرۋدىڭ جاڭا قۇرالدارىن جاساۋعا ۇمتىلادى.
ء«بىزدىڭ اناليتيكتەر الەۋەتتى ينۆەستورلاردى قىزىقتىرا الاتىن پورتفەل قالىپتاستىرىپ قويدى. بۇل نارىق – بلوكچەين-تەحنولوگيا ءونىمى جانە IT-مەن تىعىز بايلانىستى. ەلگە كريپتوينۆەستورلاردى تارتۋ كۋمۋلياتيۆتى ەففەكت بەرەدى. قازىر احقو الاڭىندا ينۆەستيتسيالىق كريپتو-قور قۇرۋ بويىنشا جۇمىس باستالىپ كەتتى», دەيدى كومپانيا باسشىسى.
بيتكويندى قالاي وندىرەدى, ول نەلىكتەن پايدالى؟
وسى رەتتە بيتكوين دەگەنىمىزدىڭ ءوزى نە, ول قالاي وندىرىلەدى جانە قالاي پايدالى بولادى دەگەن ساۋالداردىڭ باسىن اشىپ العان دا ارتىق بولمايتىن سەكىلدى.
«بيتكوين العاش رەت 2009 جىلى شىقتى جانە جالپى سانى 21 ملن بولدى. قازىرگە دەيىن 19 ملن بيتكوين تابىلىپ, بەلگىلى ءبىر ادامدار مەن كومپانيالار جانە مەملەكەتتەر ولاردى ۇستاپ وتىر. ءالى 2 ملن بيتكوين جاسىرىنىپ جاتىر. تابىلعان بيتكوينداردىڭ 6 ملن-ى جوعالىپ كەتكەن – بىرەۋلەر كەزىندە ساقتاعان فلەشكاسىن, نوۋتبۋگىن جوعالتىپ العان, قۇپيا ءسوزىن ۇمىتىپ قالعان دەگەندەي. ال بيتكويندى قالاي وندىرەدى؟ ول ءۇشىن ماينينگ فەرمالار بلوكتار جاساپ, سول بيتكوينداردى ىزدەپ جاتىر. ماينەرلەر الگوريتمدىك تاپسىرمانى شەشۋ ارقىلى, بيتكوينداردى ىزدەپ جارىسادى. ەڭ باستى ءارى مىقتى كريپتوۆاليۋتا بيتكوين ەكەنى بەلگىلى. ارينە, قۇلدىرايتىن دا كەزدەرى بار, دەگەنمەن قۇنى ءاردايىم ءوسىپ كەلە جاتىر. 2024 جىلدىڭ 1 قاڭتارىندا ونىڭ قۇنى 44 مىڭ دوللار بولسا, 14 ناۋرىز كەزىندە 73 مىڭ دوللار كولەمىندە ساۋدالاندى. قازىر ازداپ تومەندەپ, 65-66 مىڭ دوللار ماڭايىندا تۇر», دەيدى كومپانيا باسشىسى.
كريپتوۆاليۋتانىڭ قانداي ارتىقشىلىعى بار؟ بۇعان كومپانيا وكىلدەرى بىلاي جاۋاپ بەرەدى.
«ماسەلەن, مەندە 10 مىڭ دوللار بار دەلىك, ونى اقش-تاعى دوسىما جىبەرگىم كەلەدى. مەن كريپتوۆاليۋتا كومەگىمەن 5 مينۋتتىڭ ىشىندە 10 مىڭ دوللاردى جىبەرە الامىن جانە سونداعى ۇستايتىن كوميسسياسى – ءارى كەتسە 1 دوللار بولادى. ال ءداستۇرلى باعىتپەن جىبەرەتىن بولساق, 10 مىڭ دوللاردىڭ 5-6 پايىزى كوميسسياعا كەتەدى, ول قاراجات SWIFT اۋدارىم ارقىلى 10 جۇمىس كۇنى ىشىندە جەتەدى», دەيدى ساراپشىمىز.
كريپتونارىقتىڭ كەلەشەگى قانداي؟
ءپروفيلدى ساراپشىلاردىڭ باعالاۋىنشا, 2024 جىلدىڭ جازىندا بيتكوين باعاسى 100 مىڭ دوللارعا جەتۋى مۇمكىن ەكەن.
«سالۆادور, ۇلىبريتانيا, اقش, ەو, كانادا, جاپونيا, اۋستراليا قازىردىڭ وزىندە بيتكويندى تولەم قاراجاتى رەتىندە پايدالانادى, ولاردى ينۆەستيتسيا رەتىندە ساقتاۋ ءۇشىن جيناپ جاتىر. ياعني بيتكوين قۇنى 100 مىڭ دوللاردان ءوسىپ كەتكەن جاعدايدا ەل بيۋدجەتى اۆتوماتتى تۇردە ۇلعايادى», دەيدى تەمىرلان.
جاس تا بەلسەندى كومپانيا قازىر ەلىمىزدىڭ نارىعىندا جۇمىس ىستەۋگە ليتسەنزيا العان ەكى بيرجامەن – Binance جانە Bybit بيرجالارىمەن جۇمىس ىستەيدى.
«ەلىمىزدە بۇل ەكەۋىنەن دە بولەك بيرجالار جۇمىس ىستەيدى. ينتەرنەت بولعاننان كەيىن ادامدار ول پلاتفورمالارعا كىرۋدىڭ امالىن تاۋىپ الادى. جالپى, بيرجالاردىڭ وزىنە ءتان ارتىقشىلىقتارى مەن كەمشىلىكتەرى بار. كەي بيرجالاردا اقشا اينالىمى از بولادى, كەيبىر بيرجالار ساۋدا وپەراتسيالارى ءۇشىن پايىز ۇستايدى. سوندىقتان نارىققا قادام باسپاس بۇرىن, قارجىلىق ساۋاتتىلىقتى مەڭگەرىپ الۋ قاجەت», دەيدى ولار.
تەمىرلان ءنۇراحيموۆتىڭ ايتۋىنشا, مەملەكەت باسشىسىنىڭ ۇكىمەت الدىنا قويعان ماڭىزدى مىندەتىنىڭ ءبىرى – ينۆەستيتسيالىق كليماتتى ارتتىرۋ جانە ەلگە تىكەلەي ينۆەستيتسيا تارتۋ بويىنشا جاڭا تەتىكتەردى قۇرۋ.
«بۇل رەتتە كريپتونارىقتىڭ جالپى كاپيتالدانۋىنىڭ كولەمى 2,8 ترلن دوللار ەكەنىنە نازار اۋدارۋ كەرەك. بۇل تسيفر گەومەتريالىق پروگرەسسيامەن ءوسىپ كەلە جاتىر. الەمدەگى وسىنداي جەدەل دامىپ كەلە جاتقان نارىق مۇمكىندىگىن ۋىستان شىعارىپ الماۋىمىز كەرەك», دەيدى Tarlan Development Group LTD كومپانياسىنىڭ باس ديرەكتورى.
