«قازىر قالادا 4 ەۆاكۋاتسيالىق ورتالىق بار. رۋدنىي يندۋستريالىق ۋنيۆەرسيتەتىنىڭ, تاۋ-كەن تەحنولوگياسى جانە الەۋمەتتىك-گۋمانيتارلىق كوللەدجدەرىنىڭ جاتاقحانالارىنداعى توسەك-ورىن سانى 169-عا دەيىن كوبەيتىلدى. ال سۋ تاسقىنىنان زيان شەككەن تۇرعىنداردىڭ دۇنيە-مۇلكى «رۋدنىي سۋ ارناسى» سەرىكتەستىگىنىڭ گاراجىنا كوشىرىلەدى», دەپ مالىمدەدى قالالىق شتاب وكىلدەرى.
تۇرعىنداردى قاۋىپسىز جەرگە كوشىرۋ جانە نىساناداعى ۋچاسكەلەردى پاترۋلدەۋ جۇمىستارىنا 341 ادام جۇمىلدىرىلعان. ولاردىڭ 130-دان استامى – ەرىكتىلەر جاساعى. رەزەرۆتە تاعى 200 ادام تۇر. قاۋىپتىڭ الدىن الۋ جۇمىستارىنا ۇزىن-ىرعاسى 36 تەحنيكا تارتىلعان.
قازىر قاۋىپتى جەرلەرگە ينەرتتى ماتەريالدار اكەلىنىپ, پەرتسەۆ اۋىلى اينالاسىنداعى دامبىنىڭ ەرنەۋى بەكىتىلىپ جاتىر.
سۋ باسۋ قاۋپى بار ەلدى مەكەندەردىڭ 227 باس مالى «پوزنياكوۆ» شارۋا قوجالىعىنىڭ جايىلىمىنا ايدالدى. ازىرگە, سۋ كىرگەن ءۇي-جاي, قورا-قوپسى جوق.
