فوتو: inbusiness.kz
«قازاقستان حالقىنا» قورى اۋىلدىق جەرلەردە جالپى سوماسى 5 ميلليارد تەڭگەگە 200 ءۇي سالۋدى قارجىلاندىرادى.
ەلدەگى جاعدايعا بەي-جاي قارامايتىن ازاماتتار مەن ۇيىمدار سۋ تاسقىنىنان زارداپ شەككەندەرگە كومەك كورسەتۋ ماقساتىندا قورعا جۇگىنىپ جاتىر.
قور ۇيىمنىڭ شوتتارىنا تۇسكەن قاراجاتتى جيناۋعا جانە ونىڭ اشىقتىعى مەن ماقساتتى پايدالانىلۋىن قامتاماسىز ەتۋگە دايىن ەكەنىن حابارلادى.
«1-30 ءساۋىر ارالىعىندا تۇسكەن زاڭدى جانە جەكە تۇلعالاردىڭ بارلىق ەرىكتى جارنالارى زارداپ شەككەندەر ءۇشىن اۋىلدىق جەرلەردە تۇرعىن ءۇي سالۋعا جىبەرىلەدى. قور دونورلار مەن اۋدارىلعان سومالاردىڭ مولشەرىن كورسەتە وتىرىپ, ەگجەي-تەگجەيلى ەسەپتى جاريالايدى», دەلىنگەن حابارلامادا.
3 ساۋىردەگى جاعداي بويىنشا قوردىڭ شوتتارىنا كومپانيالار مەن جەكە تۇلعالاردىڭ اتىنان 630 ميلليون تەڭگەدەن استام سوماعا قايىرىمدىلىق جارنالارى ءتۇستى.
جەكە تۇلعالارعا ىڭعايلى بولۋ ءۇشىن اۋدارىمدار بانكتەردىڭ ءموبيلدى قوسىمشالارىندا «قايىرىمدىلىق» بولىمىندە قولجەتىمدى.
