فوتو: سەنات
ارمان وتەعۇلوۆ باتىس قازاقستان وبلىسىنداعى تاسقىن سۋ جاعدايىمەن تانىستى. سەناتور سۋ باسقان اۋدانداردى ارالاپ, تاسقىن سۋعا قارسى ءىس-قيمىل جونىندەگى وڭىرلىك جەدەل شتابتىڭ جۇمىسىنا ۇلەس قوستى.
دەپۋتات تاسقىن سۋدان زارداپ شەككەن باتىس قازاقستاندىقتارمەن دە كەزدەستى. سەناتور حالىقتىڭ جاعدايىمەن تانىسىپ, تۇرعىنداردىڭ پروبلەمالارىنان حاباردار بولدى, سۋ تاسقىنىنان كەلگەن شىعىندى باعالاۋ مەن وتەۋ ماسەلەلەرىن تالقىلادى.
سەرگەي ەرشوۆ قاراعاندى وبلىسىنداعى شەت اۋدانىندا بولىپ, تابيعي اپاتتان زارداپ شەككەن تۇرعىندارمەن, وبلىستىق ءماسليحات دەپۋتاتتارىمەن جانە وبلىس باسشىلىعىمەن كەزدەستى. جۇزدەسۋلەردە تاسقىن سۋعا بايلانىستى الداعى قاۋىپ-قاتەردىڭ الدىن الۋ تەتىكتەرى تالقىلاندى.
سەناتور سونداي-اق نۇرا وزەنىنىڭ ارناسىنان تومەن ورنالاسقان بۇقار جىراۋ اۋدانىندا قاپتارمەن بەكىتۋ, ينەرتتى ماتەريالداردى توگۋ جانە قورعانىس بوگەتتەرىن نىعايتۋ جونىندەگى الدىن الۋ شارالارىنىڭ بارىسىمەن تانىستى.
