فوتو: senate.parlam.kz
ومىربەك بايگەلدى – 1996 - 1999 جىلدار ارالىعىندا قازاقستان رەسپۋبليكاسى پارلامەنتى سەناتىنىڭ العاشقى توراعاسى قىزمەتىن اتقاردى.
ومىربەك بايگەلدى 1939 جىلى جامبىل وبلىسىنىڭ قىزىل-وكتيابر اۋىلىندا دۇنيەگە كەلگەن. ەڭبەك جولىن تۋعان جەرىندە جۇمىسشى بولىپ باستاعان. 1990 جىلدارى جامبىل وبلىستىق اتقارۋ كوميتەتىنىڭ توراعاسى, جامبىل وبلىسىنىڭ اكىمى, قازاقستان رەسپۋبليكاسى پرەزيدەنتىنىڭ كەڭەسشىسى بولدى.
قازاقستان رەسپۋبليكاسى پارلامەنتى سەناتىنىڭ ءبىرىنشى, ەكىنشى, ءۇشىنشى جانە ءتورتىنشى شاقىرىلىمداعى دەپۋتاتى بولدى. پارلامەنت سەناتىندا 16 جىلدان استام ەڭبەك ەتتى.
