مەملەكەت باسشىسى قاسىم-جومارت توقاەۆتىڭ سۋ تاسقىنىنان زارداپ شەككەندەرگە كومەك كورسەتۋ تۋرالى تاپسىرماسىمەن قارجى نارىعىن رەتتەۋ جانە دامىتۋ اگەنتتىگى بانكتەرمەن جانە ميكروقارجى ۇيىمدارىمەن بىرلەسىپ, زارداپ شەككەن ازاماتتاردى, شاعىن جانە ورتا بيزنەس سۋبەكتىلەرىن قولداۋ شارالارىن جۇرگىزەتىن بولدى. بۇل ءۇشىن جەرگىلىكتى اتقارۋشى ورگانداردىڭ تىزىمىنە سايكەس, سۋ تاسقىنىنان زارداپ شەككەندەر ساناتىنا جاتقىزىلعان بارلىق ازاماتقا كرەديتتەر بويىنشا تولەمدەر اۆتوماتتى تۇردە وسى جىلدىڭ 1 ءساۋىرى مەن 30 ماۋسىم ارالىعىندا 3 اي مەرزىمگە كەيىنگە قالدىرىلادى. سونداي-اق وسىعان بايلانىستى كەشىكتىرىلگەن نەسيەگە ايىپپۇل مەن ءوسىمپۇل ەسەپتەلمەيتىن بولدى.
بۇل – جەكە كاسىپكەرلەرگە دە بايلانىستى. سۋ تاسقىنى كەزىندە زاقىمدانعان شاعىن جانە ورتا بيزنەس سۋبەكتىلەرىنە ولار بەرگەن ءوتىنىشتى ەسكەرە وتىرىپ, كرەديت بويىنشا تولەمدەردى كەيىنگە قالدىرۋ مۇمكىندىگى بەرىلەدى.
بانكتەر مەن مقۇ ءاربىر زارداپ شەككەن قارىز الۋشىعا م ۇلىككە جانە جەكە شارۋاشىلىققا, قارىز الۋشىلاردىڭ كىرىستەرى مەن قارجىلىق جاعدايىنا كەلتىرىلگەن زالالدىڭ اسەرىن باعالاۋ ءۇشىن جەكە تالداۋ جۇرگىزىپ, كرەديت بويىنشا قوسىمشا دەربەس قولداۋ كورسەتۋ شارالارى ايقىندالاتىن بولادى. بۇگىندە قارىز الۋشىلارعا كومەك كورسەتۋ شارالارى تۋرالى حابارلاندىرۋ الەۋمەتتىك جەلىلەردەگى كرەديتتىك ۇيىمداردىڭ رەسمي سايتى مەن اككاۋنتىندا ءتيىستى ءوتىنىشتى بەرۋدىڭ ناقتى الگوريتمدەرى جانە كرەديتتى قايتا قۇرىلىمداۋدى جۇرگىزۋ ءتارتىبى جاريالانا باستادى. بۇل ۇدەرىستى جەڭىلدەتۋ ءۇشىن بانكتەر مەن مقۇ زارداپ شەككەندەردىڭ ءوتىنىشىن ونلاين قابىلداۋدى دا جوسپارلاعان.
قازىر ءتۇرلى ۇيىم مەن قور, سونداي-اق جەكەلەگەن كومپانيا مەن كاسىپكەرلەر تاسقىننان كەيىن تارىققان ەلگە قولداۋ ءبىلدىرىپ جاتىر. بۇل ساناتقا ەرىكتىلەر جۇمىسىندا قوسۋعا ابدەن بولادى. سۋ تاسقىنىنان زارداپ شەككەن ەل تۇرعىندارىنا Halyk Bank جانە «حالىق» قورى كومەك رەتىندە ءوز قاراجاتىنان 1 ملرد تەڭگە ءبولۋ تۋرالى بىرلەسكەن شەشىم قابىلدادى. ال بولات وتەمۇراتوۆ قورى بۇل جاعدايعا قاتىستى 680 ملن تەڭگە ءبولدى.
«وسى كۇندەرى ميلليونداعان جەرلەسىمىز تابيعي اپات سالدارىنان قيىن كەزەڭنەن ءوتىپ, دۇنيە-مۇلىكتەرىنەن ايىرىلىپ جاتقاندارىن كورىپ, قولۇشىن بەرۋدى ءجون كوردىك. بۇل قارجىلاي كومەك زارداپ شەككەن وتانداستارىمىزعا العاشقى قاجەتتىلىكتەرىن الىپ, وسى كەزەڭنەن امان-ەسەن شىعۋعا كومەكتەسەدى دەگەن سەنىمدەمىز», دەيدى قور ديرەكتورى مارات ايتماعامبەتوۆ.
«استانا موتورس» قازاق موتور اۆتوكومپانياسى دا بۇل يگى ىستەن شەت قالمادى. قيىندىقتا قالعان ءوڭىر تۇرعىندارىنا كومەك رەتىندە 500 ميلليون تەڭگە اۋداردى. كومپانيا بولگەن قاراجات «دەمەۋ قازاقستان قورى» كورپوراتيۆتىك قورىنىڭ شوتىنا اۋدارىلعان.
ءدال وسىنداي سوماداعى قارجىنى ەلدەگى جەتەكشى قۇرىلىس كومپانيالارىنىڭ ءبىرى – «BI Group» حولدينگى اۋداردى. ايتا كەتەيىك, حولدينگ سۋ تاسقىنىنىڭ العاشقى كۇنىنەن-اق زارداپ شەككەندەرگە كومەك كورسەتىپ, وبلىس باسشىلىقتارىن قۇرىلىس جانە ارنايى تەحنيكامەن, قاجەتتى ماتەريالدىق رەسۋرستارمەن قامتاماسىز ەتە باستاعان. ال بولىنگەن قاراجات قايتا قالپىنا كەلتىرۋ, قۇرىلىس-مونتاج جۇمىستارىن جۇرگىزۋگە جۇمسالادى.
بۇگىندە مىڭداعان ەل تۇرعىنى وتباسىلارىمەن بىرگە ۋاقىتشا باسپانالارعا ورنالاسقان. ولارعا قاجەتتى ازىق-ت ۇلىك پەن ءدارى-دارمەك قورى دا جيناقتالىپ جاتىر. بۇعان قوسا Kaspi.kz «Biz Birgemiz Qazaqstan» قايىرىمدىلىق قورىمەن بىرلەسە وتىرىپ, ءموبيلدى قوسىمشا ارقىلى كومەك كورسەتۋ شاراسىن ۇيىمداستىردى.
ء«بىزدىڭ قور اشىق تۇردە جۇمىس ىستەپ, قاراجاتتىڭ جۇمسالۋى بويىنشا بارلىق قۇجاتتىڭ دۇرىستىعىن كورگەن Kaspi.kz بىزبەن ىنتىماقتاسۋعا شەشىم قابىلدادى جانە جەدەل تۇردە كومەك جيناۋدى ۇيىمداستىردى. ەل ازاماتتارىنان از كۇن ىشىندە 80 ميلليون تەڭگەدەن استام اقشا جينادى. ال Kaspi.kz سايتىنىڭ بۇل سوماعا تاعى 120 ميلليون تەڭگە قوسۋ تۋرالى شەشىمى – ءبىز ءۇشىن ۇلكەن توسىنسىي. وسىنداي قولداۋى ءۇشىن Kaspi.kz باسشىلىعىنا العىسىمىز شەكسىز, ەندى ءبىزدى ۆولونتەرلەرمەن جۇمىس كۇتىپ تۇر. زارداپ شەككەندەر مەن قۇتقارۋشىلارعا كومەكتەسكەندەردىڭ بارلىعىنا راحمەت», دەيدى «Biz Birgemiz Qazaqstan» قق توراعاسى پەريزات قايرات.
ال Kaspi.kz نەگىزىن قالاۋشى جانە باسشىسى ميحايل لومتادزە سۋ تاسقىنىنىڭ زارداپتارى تەز ارادا جويىلىپ, ادامداردىڭ ءوز ۇيلەرىنە ورالۋىنا تىلەكتەستىگىن ءبىلدىردى.
«قايىرىمدىلىق اكتسيامىزعا اتسالىسقان ازاماتتاردىڭ ارقايسىسىنا العىس ايتامىز. Kaspi.kz – الەۋمەتتىك جاۋاپتى كومپانيا جانە ءبىز ارقاشان قيىن جاعدايدا تۇتىنۋشىلارىمىزعا قولداۋ كورسەتۋگە تىرىسامىز. جيىلعان اقشا «Biz Birgemiz Qazaqstan» قوعامدىق قورىنا اقتوبە جانە قوستاناي وبلىستارىندا جول جوندەۋ, قۇتقارۋ تىكۇشاقتارىنىڭ جۇمىسىن قامتاماسىز ەتۋ, گەنەراتورلار, سورعىلار, ۇرلەمەلى قايىقتار مەن ءدارى-دارمەكتەر ساتىپ الۋعا جىبەرىلەدى», دەدى ول.
بۇگىندە كومەك جيناۋ ءالى دە جالعاسىپ جاتىر. Kaspi.kz ءموبيلدى قوسىمشاسىنىڭ «قايىرىمدىلىق» بولىمىندە كەز كەلگەن ادام زارداپ شەككەندەرگە كومەكتەسۋ ءۇشىن «Biz Birgemiz Qazaqstan» قورىنا اقشا اۋدارا الادى. سونداي-اق Kaspi.kz كليەنتتەر مەن سەرىكتەستەرىنە كومەكتەسىپ, مۇقتاج جانداردىڭ نەسيەنى وتەۋ مەرزىمىن كەيىنگە قالدىرۋدى كوزدەپ وتىر.
قازىر سۋ باسقان اۋماقتارداعى ادامدار شىنىمەن دە كومەككە ءزارۋ. كوپتەگەن اۋىلعا تەك تىكۇشاقتار نەمەسە قايىقتار ارقىلى جەتۋگە بولادى. قۇتقارۋشىلار ادامداردى ەۆاكۋاتسيالاۋدى جالعاستىرىپ, قالپىنا كەلتىرۋ جۇمىستارى بەلسەندى جۇرگىزىپ جاتىر.
