فوتو: مادەنيەت جانە اقپارات مينيسترلىگى
رەسپۋبليكالىق كونكۋرس مادەني مۇرامىزدى ساقتاۋ, قايتا جاڭعىرتۋ, قوعامداعى رۋحاني قۇندىلىقتاردى نىعايتۋ, وسكەلەڭ ۇرپاقتى ادامگەرشىلىك پەن پاتريوتتىققا تاربيەلەيتىن جاڭا تۋىندىلار اۆتورلارىن قولداۋ ماقساتىندا وتكىزىلەدى.
كونكۋرس 5 نوميناتسيا بويىنشا 15 سىيلىقتى قامتيدى: «ۇزدىك فولكلورلىق مۋزىكا», «ۇزدىك كلاسسيكالىق مۋزىكا», «ۇزدىك دراماتۋرگيالىق تۋىندى», «ۇزدىك مۋزىكالىق-تەاترلىق جانر تۋىندىسى», «رەسپۋبليكا ءانى» (ەسترادا جانرى), مادەنيەت جانە اقپارات مينيسترلىگىنىڭ ەكى ارنايى جۇلدەسى قاراستىرىلعان.
جەڭىمپازدار مەن لاۋرەاتتاردى جابىق ءتارتىپ بويىنشا ارنايى قۇرىلعان قازىلار القاسى انىقتايدى. ونىڭ قۇرامىنا قازاقستاننىڭ بەلگىلى مادەنيەت جانە ونەر قايراتكەرلەرى كىردى.
كونكۋرسقا سوڭعى ەكى جىلدا جازىلىپ, كوپشىلىك الدىندا جاريالانباعان كومپوزيتورلار مەن جازۋشىلاردىڭ شىعارمالارى قابىلدانادى. جوبا كوپشىلىك قاۋىمعا زاماناۋي ونەردەگى جاڭا ەسىمدەردى تانىستىرماق.
ءوتىنىش قاعاز تۇرىندە 2024 جىلعى 1 ساۋىردەن 1 قازانعا دەيىن, استانا قالاسى, قاليبەك قۋانىشباەۆ كوشەسى 8/1, №229 كابينەت مەكەنجايى بويىنشا قابىلدانادى.
جەڭىمپازدار 2024 جىلدىڭ قازان ايىندا ماراپاتتالادى. كونكۋرسقا قاتىستى قوسىمشا اقپاراتتى مادەنيەت جانە اقپارات مينيسترلىگىنىڭ سايتىنان الۋعا بولادى.
