قوعام ءومىرىنىڭ بارلىق سالالارىن قامتيتىن مەملەكەتتىك قىزمەت كورسەتۋدە ادالدىقتىڭ الار ورنى ەرەكشە. ازامات دۇنيەگە كەلگەن كەزدەن باستاپ بارلىق ءومىر ءسۇرۋ كەزەڭىندە مەملەكەتتىك قىزمەتتەردى الۋ بارىسىندا مەملەكەتپەن تىعىز بايلانىستا بولادى. ەلىمىزدە 1323 مەملەكەتتىك كورسەتىلەتىن قىزمەتتەر بولسا, ونىڭ ىشىندە 400-گە جۋىعى وبلىستىق دەڭگەيدە كورسەتىلىپ وتىر. وسى رەتتە, مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتى وبلىس كولەمىندە مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ, حالىققا ساپالى قىزمەت كورسەتۋ, وعان قولايلى جاعدايلار جاساۋ, قىزمەت كورسەتۋ راسىمدەرىن جەتىلدىرۋ, قىزمەت الۋشىلاردىڭ بۇزىلعان قۇقىقتارىن قالپىنا كەلتىرۋ باعىتتارىندا جۇيەلى جۇمىستاردى اتقارىپ جاتىر. وتكەن جىلى دەپارتامەنتتىڭ قاراۋىنا مەملەكەتتىك قىزمەت كورسەتۋ ماسەلەرى بويىنشا 157 ارىز تۇسسە, ولاردىڭ ىشىندەگى باسىم بولىگى ياعني, ارىزداردىڭ 42%-ى جەر قاتىناستارى, گەودەزيا جانە كارتوگرافيا سالالارىنا تيەسىلى بولىپ وتىر.
ماسەلەن, دەپارتامەنت جەر ۋچاسكەسىن اقپاراتتىق جۇيەدە كەلىسۋگە قاتىستى 3 قىزمەت الۋشىنىڭ شاعىمدارىن جوسپاردان تىس تەكسەرۋ ارقىلى قارادى. ناتيجەسىندە, قىزمەت بەرۋشى ۇيىم اتالعان ازاماتتاردىڭ بىرەۋىنە 2 ايعا جۋىق جاۋاپ بەرمەگەنى, ال باسقالارىنا قىزمەت كورسەتۋدىڭ مەرزىمدەرىن ساقتاماي جاۋاپ ۇسىنعانى انىقتالدى. تەكسەرۋ ناتيجەسىمەن, قىزمەت الۋشىلاردىڭ جەر ۋچاسكەلەرى اقپاراتتىق جۇيەدە كەلىسىلىپ, قۇقىقتارى قالپىنا كەلتىرىلدى. اتالعان كەلىسىم ازاماتتارعا بولاشاقتا جەر ۋچاسكەسىنە ارنالعان اكتىنى الۋعا مۇمكىندىك بەرەدى. لاۋازىم يەلەرىنىڭ ازاماتتارعا مەملەكەتتىك قىزمەتتەردى ساپاسىز ۇسىنۋى, نەگىزسىز باس تارتۋى, اۋرە-سارساڭعا سالۋى, ولاردىڭ مەملەكەتتىك ۇيىمدار مەن قىزمەت كورسەتۋشى مەكەمەلەرگە دەگەن سەنىمسىزدىگىن تۋدىرۋى مۇمكىن ەكەنىن ەسكەرۋ قاجەت. دەگەنمەن, مەملەكەتتىك قىزمەتتەر كورسەتۋ كەزىندە تورەشىلدىك پەن سوزبۇيدالىق كورىنىستەرىنە جول بەرمەۋ قاعيدالارىن ۇستانباۋ دەرەكتەرى كەزدەسەدى.
وسى جىلدىڭ وزىندە-اق دەپارتامەنتكە مەملەكەتتىك قىزمەت كورسەتۋ ماسەلەلەرى بويىنشا ازاماتتاردىڭ 30-دان استام ارىز-شاعىمدارى كەلىپ ءتۇسىپ, ولاردىڭ ىشىندە 6 ازاماتتىڭ قۇقىعى قالپىنا كەلتىرىلدى. ماسەلەن, دەپارتامەنت تۇركىستان قالاسى تۇرعىنىنىڭ ارىزى نەگىزىندە جوسپاردان تىس تەكسەرۋ جۇرگىزىپ, ناتيجەسىندە تۇرعىن ۇيگە مۇقتاج ازاماتتاردى ەسەپكە الۋ جانە كەزەككە قويۋ تۋرالى ءوتىنىشىن ءتيىستى ءبولىم قاراپ, ءوتىنىش يەسىنىڭ تۇرعىلىقتى مەكەنجايىن ناقتىلاپ الماستان, نەگىزسىز باس تارتقانى انىقتالدى. تەكسەرۋ ناتيجەسىمەن دەپارتامەنتتىڭ نۇسقاماسىنا سايكەس ارىز يەسى تۇرعىن ۇيگە مۇقتاج ازامات رەتىندە كەزەككە قويىلدى.
جوعارىدا اتالعان ماسەلەلەر ازاماتتاردىڭ جەكە جۇگىنۋلەرى ناتيجەسىندە ۋاكىلەتتى ورگانمەن اتقارىلىپ جاتقان جۇمىستار. بۇدان بولەك, دەپارتامەنتكە مەملەكەتتىك ورگانداردىڭ اقپاراتتىق جۇيەلەرىنە سىرتقى مونيتورينگ جۇرگىزۋ ارقىلى دا, ازاماتتار وتىنىشپەن جۇگىنبەسە دە, بۇزىلعان قۇقىقتارىن قالپىنا كەلتىرۋگە باعىتتالعان جۇمىستاردى جۇرگىزىپ وتىر. وسى جىلى قاشىقتان جۇرگىزىلگەن مونيتورينگ ناتيجەسىندە مەملەكەتتىك ورگان كوميسسيا قۇرامىنىڭ تولىق جينالماۋىن العا تارتىپ, كاسىپكەرلىكپەن اينالىسۋعا نيەتتى بىرقاتار قىزمەت الۋشىلاردىڭ جەر ۋچاسكەسىنىڭ نىسانالى ماقساتىن وزگەرتۋدەن نەگىزسىز باس تارتقانى انىقتالدى. انىقتالعان بۇزۋشىلىقتار بويىنشا اۋماقتىق دەپارتامەنت تاراپىنان دەن قويۋ شارالارى ناتيجەسىمەن كاسىپكەرلەردىڭ وتىنىشتەرىنە مەملەكەتتىك ورگانمەن جەر ۋچاسكەلەرىنىڭ نىسانالى ماقساتىن وزگەرتۋ تۋرالى قاۋلىلار بەرىلىپ, قىزمەت الۋشىلاردىڭ قۇقىقتارى قالپىنا كەلتىرىلدى. وسى باعىتتاعى ۇزدىكسىز جۇمىستاردىڭ ناتيجەسىندە 700-دەن استام بۇزۋشىلىقتار انىقتالىپ, 34 قىزمەتشى تارتىپتىك جاۋاپكەرشىلىككە تارتىلىپ وتىر.
جالپى ازاماتتار مەملەكەتتىك قىزمەت الۋ بارىسىندا مەملەكەتتىك ورگاندار مەن قىزمەتشىلەر تاراپىنان نەگىزسىز باس تارتۋ, اۋرە-سارساڭعا سالۋ, ارتىق قۇجاتتار سۇراتۋ, وتىنىشتەردى قابىلداۋ, زاڭنامالارمەن كوزدەلمەگەن تالاپتار قويۋ سياقتى دەرەكتەرمەن دەپارتامەنتكە وتىنىشپەن جۇگىنە الادى. وسى تۇستا, شاعىمدانۋ تەتىكتەرىن وڭتايلاندىرۋ جانە قىزمەت كورسەتۋ ماسەلەلەرى بويىنشا كەرى بايلانىستى جەدەلدەتۋ ماقساتىندا «دەپارتامەنتتىڭ سەنىم تەلەفونى» كورسەتىلگەن اقپاراتتىق باننەرلەر وبلىستىڭ بارلىق حقكب, مامانداندىرىلعان حقكب, جەر كاداسترى جانە تىركەۋ, الەۋمەتتىك سەكتور بولىمدەرىنە, اۋدان, قالا, اۋىل وكرۋگ اكىمى اپپاراتتارىنا, قىزمەت كورسەتۋشى بارلىق ۇيىمدار عيماراتىنىڭ كورنەكى جەرلەرىنە ورنالاستىرىلدى. ورتاشا ەسەپپەن كۇنىنە 5-10 ازامات دەپارتامەنتتىڭ سەنىم تەلەفونىنان حابارلاسۋ ارقىلى ءوز سۇراقتارىنا جاۋاپ الىپ وتىر.
وسى ورايدا, مەملەكەت تاراپىنان ازاماتتاردىڭ قۇقىقتارى مەن زاڭدى مۇددەلەرىنىڭ قورعالۋى مەن سەنىمىنە ەرەكشە باسىمدىق بەرىلگەنىن جانە سەرۆيستى جانە كليەنتكە باعدارلانعان مەملەكەتتىك اپپارات قۇرۋ, مەملەكەتتىك قىزمەت كورسەتۋ بارىسىندا بيۋروكراتيا مەن اۋرە سارساڭنىڭ كورىنىسىنە جول بەرمەۋگە باعىتتالعان شارالاردىڭ بىردەن-ءبىرى ەكەندىگىن اتاپ وتكەن ءجون. مەملەكەت پەن قوعام اراسىنداعى ءوزارا سەنىمدى ساقتاۋ جولىندا, ءوڭىر تۇرعىندارىنىڭ ساپالى مەملەكەتتىك قىزمەت الۋى دەپارتامەنت قىزمەتى باسىمدىقتارىنىڭ ءبىرى بولىپ تابىلادى.
ءو. بالاجانوۆ,
مقىا تۇركىستان وبلىسى بويىنشا دەپارتامەنتىنىڭ باسشىسى,
ادەپ جونىندەگى كەڭەس توراعاسى.
