فوتو: abaidan.kz
اتالعان ساناتقا جاتاتىن جۇمىسشىلار اي سايىن 208 مىڭنان 519 مىڭ تەڭگەگە دەيىن تولەم الۋعا قۇقىلى.
اتاۋلى الەۋمەتتىك تولەم ء(اات) ەكونوميكانىڭ 19 سالاسىندا, سونىڭ ىشىندە, تاۋ-كەن ءوندىرۋ جانە وڭدەۋ ونەركاسىبىندە جۇمىس ىستەيتىن ازاماتتارعا بەرىلەدى.
تولەمنىڭ بۇل ءتۇرى پرەزيدەنتتىڭ تاپسىرماسى اياسىندا 2024 جىلدىڭ 1 قاڭتارىنان باستاپ ەنگىزىلدى.
بۇعان دەيىن بىرىڭعاي جيناقتاۋشى زەينەتاقى قورى اتالعان الەۋمەتتىك تولەمدى 2024 جىلى 37 مىڭنان استام جۇمىسشى الاتىنىن مالىمدەدى. قوردىڭ ەسەبىنشە, كورسەتكىشتەر 2030 جىلى – 58 مىڭنان, 2035 جىلى – 95 مىڭنان اسۋى ىقتيمال.
ەڭبەك جانە الەۋمەتتىك قورعاۋ مينيسترلىگى ءاات قانداي شارتتارعا سايكەس بەرىلەتىنىن ءتۇسىندىردى.
«ول زياندى جۇمىستاردا ىستەيتىن نەمەسە ىستەگەن ادامدارعا ەكى كريتەري بويىنشا تولەنەدى. بىرىنشىدەن, 55 جاسقا تولۋى كەرەك. ەكىنشىدەن, جۇمىس بەرۋشىسى وعان جالپى جيىنتىعىندا كەمىندە 84 اي, ياعني 7 جىل مىندەتتى كاسىپتىك زەينەتاقى جارنالارىن (مكزج) اۋدارۋعا ءتيىس. الايدا مۇنداي جاعدايدا قاۋىپتى جۇمىستاردا ىستەگەن, بىراق جيىنتىعىندا 84 اي مكزج اۋدارۋ فاكتىسى جوق جۇمىسكەرلەردىڭ ۇلكەن توبى اتالعان تولەمنەن قاعىلىپ وتىر. ولاردىڭ زياندى جۇمىستارداعى جالپى ءوتىلى كەمىندە 12,6 جىلدى قۇرايدى. جۇمىس ءوتىلى ولاردىڭ ەڭبەك كىتاپشاسىمەن راستالادى», دەدى ەڭبەكتى قورعاۋ باسقارماسىنىڭ باسشىسى شالقار ورازبەكوۆ.
قوعامدا دەنساۋلىققا زيان كەلتىرەتىن قىزمەتتە جۇرگەندەرگە بولە-جارا ءاات بەرۋ بويىنشا نارازىلىق ءبىلدىرۋ بايقالادى. ەڭبەك مينيسترلىگى زياندى, قاۋىپتى ەڭبەك جاعدايلارىندا 12,6 جانە ودان كوپ جىل ءوتىلى بولعان جانە ءاات الۋعا قۇقىلى ازاماتتاردىڭ جاڭا توبىنىڭ سانى 2024 جىلى 15 119 ادامدى قۇرايتىنىن جەتكىزدى. ولاردى اتالعان تولەممەن قامتۋ ءۇشىن بيۋدجەتتەن 7 ملرد 875,2 ملن تەڭگە شىعىس تالاپ ەتىلەدى. بۇل رەتتە مەملەكەت تاراپىنان ءار ازاماتقا بەرىلەتىن تولەم 2 ەڭ تومەنگى كۇنكورىس دەڭگەيىن (ەتكد) نەمەسە 86 814 تەڭگەنى قۇراۋى مۇمكىن.
ءاات ەڭ تومەنگى كۇنكورىس دەڭگەيى مولشەرىنىڭ ۇلعايۋىنا بايلانىستى كوبەيىپ وتىرادى.
