ء«دال قازىر سۋ باسقان ايماقتارداعى ادامدارعا كومەك وتە قاجەت. ادامدار ۇيلەرىندە قالعان كوپتەگەن اۋىلدارعا تەك تىكۇشاقتار نەمەسە قايىقتار ارقىلى جەتۋگە بولادى. قۇتقارۋشىلار ادامداردى ەۆاكۋاتسيالاۋدى جالعاستىرىپ, قالپىنا كەلتىرۋ جۇمىستارى جۇرگىزىلىپ جاتىر.
ءبىزدىڭ قور اشىق جۇمىس ىستەپ, قاراجاتتىڭ جۇمسالۋى بويىنشا بارلىق قۇجاتتى ۇسىناتىنىن كورگەن Kaspi.kz بىزبەن ىنتىماقتاسۋعا شەشىم قابىلدادى جانە جەدەل تۇردە كومەك جيناۋدى ۇيىمداستىردى. قازاقستان ازاماتتارى از عانا كۇننىڭ ىشىندە زارداپ شەككەندەرگە 80 ميلليون تەڭگەدەن استام اقشا جينادى. ال Kaspi.kz-ءتىڭ ءوز تاراپىنان تاعى 120 ميلليون تەڭگە قوسۋ تۋرالى شەشىم قابىلداۋى ءبىز ءۇشىن كۇتپەگەن جاعداي بولدى. وسىنداي قولداۋى ءۇشىن Kaspi باسشىلىعىنا العىسىمىز شەكسىز, ەندى ءبىزدى ۆولونتەرلەرمەن بىرگە اۋقىمدى جۇمىس كۇتىپ تۇر. زارداپ شەككەندەر مەن قۇتقارۋشىلارعا كومەكتەسكەندەردىڭ بارلىعىنا راحمەت», دەدى «Biz Birgemiz Qazaqstan» قق ءتورايىمى پەريزات قايرات.
ء«بىز زارداپ شەككەندەرمەن بىرگەمىز جانە سۋ تاسقىنىنىڭ زارداپتارى جاقىن ارادا جويىلىپ, ادامدار ءوز ۇيلەرىنە ورالادى دەپ ۇمىتتەنەمىز. قارجى جيناۋعا ۇلەس قوسقان سۇيىكتى كليەنەتتەرىمىزدىڭ ارقايسىسىنا العىس ايتامىز. Kaspi.kz – الەۋمەتتىك جاۋاپكەرشىلىگى بار كومپانيا جانە ءبىز ارقاشان قيىن جاعدايدا سۇيىكتى كليەنتتەرىمىزگە قولداۋ كورسەتۋگە تىرىسامىز. ءبىز ءوز تاراپىمىزدان زارداپ شەككەندەرگە كومەك كورسەتۋ ءۇشىن قوسىمشا 120 ميلليون تەڭگە ءبولىپ, جينالعان سومانى 200 ميلليونعا دەيىن جەتكىزەمىز», دەدى ميحايل لومتادزە, Kaspi.kz نەگىزىن قالاۋشىلاردىڭ ءبىرى جانە باسشىسى.
قاراجات اقتوبە جانە قوستاناي وبلىستارىندا جول جوندەۋ, قۇتقارۋ تىكۇشاقتارىنىڭ جۇمىسىن قامتاماسىز ەتۋ, گەنەراتورلار, سورعىلار, ۇرلەمەلى قايىقتار جانە ءدارى-دارمەك ساتىپ الۋ ءۇشىن «Biz Birgemiz Qazaqstan» قوعامدىق قورىنا جىبەرىلەدى.
كومەك جيناۋ جالعاسىپ جاتىر. Kaspi.kz ءموبيلدى قوسىمشاسىنىڭ «قايىرىمدىلىق» بولىمىندە كەز - كەلگەن ادام زارداپ شەككەندەرگە كومەك رەتىندە «Biz Birgemiz Qazaqstan» قورىنا قاراجات اۋدارا الادى.
Kaspi.kz سۇيىكتى كليەنتتەرى مەن سەرىكتەستەرىنە كومەكتەسىپ, قيىندىققا تاپ بولعان جاندارعا نەسيە تولەمىن كەيىنگە قالدىرۋدى ۇسىنادى.
بۇعان دەيىن توتەنشە جاعدايلار مينيسترلىگى اقتوبە, قوستاناي, باتىس قازاقستان, اقمولا, اتىراۋ, قاراعاندى, سولتۇستىك قازاقستان, تۇركىستان, الماتى, پاۆلودار, ۇلىتاۋ جانە اباي وبلىستارىندا 12 مىڭنان استام ادام ەۆاكۋاتسيالانعانىن حابارلاعان. اتالعان وڭىرلەردىڭ تۇرعىندارى ۋاقىتشا ورنالاستىرۋ ورتالىقتارىنا جەتكىزىلدى.
