فوتو: قمدب
باس ءمۇفتي قازاق دالاسىنان شىققان عۇلاما-عالىمدار, احۋن-يشاندار, اۋليەلەر, الاش قايراتكەرلەرى مەن ەل ءۇشىن ەڭبەك ەتكەن كۇللى بابالار رۋحىنا قاسيەتتى قۇران اياتتارىن باعىشتادى.
«ۋا, اللا تاعالا! وسى وقىلعان قاسيەتتى قۇران اياتتارىنىڭ نۇرىمەن حالقىمىزدى, ەلىمىزدى, جەرىمىزدى نۇرعا بولەي گور. حالقىمىزدى تابيعي اپاتتاردان, ءزىلزالادان, توپان سۋدان, ورتتەن, كەسەلدەن, ءتۇرلى ىندەتتەردەن امان ساقتاي گور! الماتى قالاسىن, بۇكىل قازاق دالاسىن جەر سىلكىنىسىنەن ساقتاي گور. جەر بەتىن ب ۇلىك پەن اپاتتان امان ەتكەيسىڭ.
ۋا, اللا! باتىس قازاقستان, قوستاناي, اباي وبلىستارىندا تاسقىن سۋدان جاپا شەككەن جەرلەستەرىمىزگە ءوزىڭ جار بولعايسىڭ. ولاردىڭ باسىنا كەلگەن سىناقتىڭ سوڭىن قايىرلى ەتە گور. جەرىمىزدى تاسقىن سۋدان ساقتاي گور», دەپ دۇعا ەتتى باس ءمۇفتي.
