فوتو: ۆيدەوسكرين
Inbusiness.kz سايتىنىڭ جازۋىنشا, مارقۇمنىڭ اپكەسى كەرەمەت ارىزبەكوۆا ءىنىسى مەن كەلىنىنىڭ قارىم-قاتىناسى وتە جاقسى بولعانىن, ەكەۋى ءبىر-ءبىرىن قاتتى جاقسى كورگەنىن ايتتى.
ء«ىنىم مەن كەلىنىمنىڭ ۇرىس-كەرىسىن كورمەگەنمىن. ەكەۋى ءبىر-ءبىرىن قاتتى جاقسى كورەتىن. باقتيار تاڭنان كەشكە دەيىن جۇمىستا جۇرەتىن. اۆتوسەرۆيستە كولىكتەردىڭ موتورىن جوندەيتىن, اراسىندا تاكسيست بولىپ قوسىمشا اقشا تاباتىن. كەلىنىم بالا تاربيەسىمەن ۇيدە وتىردى. جۇمىس ىستەپ كورگەن ەمەس. كەلىنىمنىڭ پسيحولوگيالىق اۋىتقۋى بار ەكەنىنە سەنبەيمىن», دەدى مارقۇمنىڭ اپكەسى.
كەرەمەت ءىنىسىنىڭ قايتىس بولعانىن 11 تامىزدان 12 تامىزعا قاراعان ءتۇنى ساعات 01:25 شاماسىندا قۇزىرلى ورگان قىزمەتكەرلەرىنەن بىلگەنىن ايتتى.
«ول ءمايىتتى 9, 10, 11 كۇندەرى ۇيدە ساقتاعان. دەنەسىن تاپقان كەزدە مەن دە بارماق بولدىم. بىراق ماعان ەشكىم رۇقسات بەرمەدى. سوتقا بارعاندا سونداعى باس مامان مەنىڭ كىم ەكەنىمدى سۇرادى. جابىرلەنۋشى تاراپتانمىن دەپ ەدىم «سورپاعا دا ولاي تۋرامايتىن شىعار» دەدى. سويتسەم, دەنەنى بولشەكتەپ تاستاپتى. ءبىر اياعىن عانا شابا الماعان, باسقاسىن بولشەكتەپ تاستاپتى. ءبىر اياعى توركىن جاعىنان تابىلدى. بۇل قىلمىستى كەلىنىم ءبىر ءوزى ىستەدى دەپ ويلامايمىن. باقتياردىڭ دەنە بولشەكتەرى كەلەس وزەنىنەن تابىلدى. وزەن مەنىڭ ۇيىمە جاقىن ورنالاسقان», دەپ قوستى مارقۇمنىڭ اپكەسى.
ايتا كەتسەك, قۇندىز كۇيەۋىن ولتىرگەن سوڭ دەنەسىن بولشەكتەپ, بوشكەگە سالىپ, كەيىن وزەنگە اعىزىپ جىبەرگەنىن بۇعان دەيىن حابارلاعان ەدىك. وعان كورشىسى كومەكتەسكەن بولىپ شىقتى. الايدا كورشىسى بوشكەدە باقتياردىڭ ءمايىتى جاتقانىن بىلمەگەن.
«11 تامىز كۇنى تۇنگى ساعات 00:00 مەن 01:00 اراسىندا قۇندىز كەلىپ: «رۋسلان, تۇرشى. قويدىڭ ەتى بار ەدى, جۇنىمەن. ساسىپ كەتىپتى. اپارىپ تاستاۋ كەرەك» دەدى. مەن باقتيار ۇرىساتىنىن ايتىپ, بارمايتىنىمدى ايتتىم. قويماعان سوڭ كولىكتى قىزدىرىپ, جۇك سالعىشتى اشتىم. جاعىمسىز ءيىس شىعىپ تۇردى. ەمۋلسيانىڭ شەلەگى مەن ەكى بوشكە بار ەكەن. بوشكەلەردى ماعان اشتىرعان جوق. ولاردى سالىپ, وزەنگە كەلىپ, لاقتىردىق. ال بوشكەنىڭ ىشىندە قوي ەمەس, باقتياردىڭ ءمايىتى ەكەنىن ۇيگە كەلگەندە ءبىلدىم. ۇيگە بارسام پوليتسيا قۇزىرلى ورگاندار ءجۇر ەكەن. سولار ايتتى», دەدى مارقۇمنىڭ كورشىسى رۋسلان حاسانوۆ.
ەسكە سالايىق, وقيعا وتكەن جىلدىڭ 9 تامىزىندا بولعان. ەرلى-زايىپتىلاردىڭ ورتاق نەكەسىنەن 3 بالا بار. قىلمىسقا بارعان 34 جاستاعى كەلىنشەك الەۋمەتتىك جەلىدە, اسىرەسە TikTok-تا بەلسەندى بولعان. ال قۇندىزدىڭ تۋىستارى مارقۇم ايەلىن ءجيى ۇرىپ, قورلىق كورسەتكەنىن العا تارتتى.
