كەشە اۋەجاي ايلاعى سۋعا تولىپ, ۇشاقتاردىڭ رەيسى توقتاتىلىپ, سۋ سورعىلاۋ جۇمىستارى جۇرگىزىلسە دە, جان-جاقتان اعىلعان قىزىل سۋ دەس بەرمەدى. تجد قىزمەتكەرلەرى اۋەجاي ايلاعىنداعى سۋ باعىتىن سازدى وزەنىنە قاراي بۇرۋ ءۇشىن قالا ىشىندەگى اۆتوكولىك جولىنىڭ ۋچاسكەسىن جاردى. ءتۇن ىشىندە اۋەجايدان كەلگەن سۋمەن سازدى وزەنى تولىپ, قالانىڭ قاق ورتاسىمەن اعاتىن كىشى سازدىعا قاراي اعا باستادى. مۇز سەڭدەرى جاعالاۋعا شىعىپ, سۋ م.مامەتوۆا كوشەسىنە جايىلدى. قازىرگى ۋاقىتتا اعىن سۋ باعىتىن بۇرۋ جانە بوگەۋ, جينالعان سۋلاردى شىعارۋ, ينەرتتىك ماتەريالدار توسەۋ جۇمىستارى جالعاسىپ جاتىر. اقك اسكەري ينستيتۋتىنىڭ جەكە قۇرامى مەن كۋرسانتتارى تجد ماماندارىنا قول ۇشىن سوزدى.
سونداي-اق بۇگىن تۇستە قوبدا اۋدانىنىڭ ورتالىعى قوبدا ەلدى مەكەنىنە دە قارعىن سۋ كىرىپ, بىرنەشە ءۇي سۋ استىندا قالدى. بيىل دا قوبدادا بىلتىرعى جاعداي قايتالانىپ وتىر.
اقتوبە وبلىستىق ءىىد ءباسپاسوز قىزمەتى سامارا-شىمكەنت اۆتوجولىنىڭ باتىس قازاقستان وبلىسى اۋماعىنداعى بولىگىن سۋ شايۋىنا بايلانىستى العا اۋدانى مارجانبۇلاق اۋىلىنان بقو شەكاراسىنا دەيىنگى جول جابىلعانىن حابارلادى.
قوبدا اۋدانىندا جەرگىلىكتى جاعدايداعى توتەنشە جاعداي جاريالاندى.
