فوتو: news.israelinfo
دانيەل كانەمان 1934 جىلى تەل-اۆيۆ (يزرايل) قالاسىندا دۇنيەگە كەلگەن. 50-جىلداردىڭ سوڭىندا ول اقش-قا كوشىپ, كاليفورنيا ۋنيۆەرسيتەتىندە دوكتورلىق دارەجەسىن قورعاعان.
ول ءوزىنىڭ سانالى عۇمىرىندا ادامنىڭ مىنەز-قۇلقىن باسقاراتىن فاكتورلارعا قىزىعۋشىلىق تانىتتى. 1973 جىلى پسيحولوگيا بويىنشا العاشقى كىتابىن شىعارعان. كەيىنىرەكتە ونىڭ كىتاپتارى ەۋروپانىڭ بىرنەشە تىلدەرىنە اۋدارىلدى.
ورىس ءتىلدى وقىرماندار دانيەل كانەماننىڭ كىتاپتارىمەن 2005 جىلدان باستاپ تانىسا باستادى.
ونىڭ كەڭ تارالعان ەڭ بەلگىلى كىتاپتارى: «نازار اۋدارۋ جانە كۇش سالۋ», «بەلگىسىزدىكتە شەشىم قابىلداۋ: ەرەجەلەر مەن الدىن الا بولجامدار», «باياۋ ويلا... تەز شەشىم قابىلدا».
