فوتو informburo.kz
وتىنىشتەر 1 ساۋىردەن 31 تامىزعا دەيىن قابىلدانادى. بالانىڭ قۇجاتتارىن egov.kz ەلەكتروندى ۇكىمەت پورتالىندا تاپسىرۋعا بولادى.
ايتا كەتەيىك, جاڭا وقۋ جىلىندا 370 مىڭنان استام بالا العاش رەت مەكتەپ تابالدىرىعىن اتتاعالى تۇر.
«قازاقستان رەسپۋبليكاسىنىڭ ءبىلىم بەرۋ, تالىمگەرلىك جانە بالالاردىڭ قاۋىپسىزدىگى تۋرالى زاڭىنا سايكەس ليتسەيلەر مەن گيمنازيالاردا ءبىرىنشى سىنىپقا قابىلداۋ ەمتيحاندارىن وتكىزۋگە تىيىم سالاتىن نورما ەنگىزىلدى. وسىلايشا, بارلىق بالا تەڭ مۇمكىندىككە يە بولادى. بۇل باستاما ءبىرىنشى سىنىپ وقۋشىلارىنىڭ تەستىلەۋ مەن اڭگىمەلەسۋگە بايلانىستى پسيحولوگيالىق كۇيزەلىسىن ازايتۋعا باعىتتالعان», دەپ ءتۇسىندىردى ورتا ءبىلىم كوميتەتىنىڭ ءبولىم مەڭگەرۋشىسى ءاليا چوكۋشەۆا.
ءبىرىنشى سىنىپقا التى جاستان اسقان بالالار قابىلدانادى. ول ءۇشىن اتا-اناسى نەمەسە زاڭدى وكىلى ءتيىستى ءوتىنىش جازۋى قاجەت, سونداي-اق بالانىڭ دەنساۋلىعى تۋرالى انىقتامانى – № 065ۋ نىسانىن, بالانىڭ 026/ۋ-3 دەنساۋلىق پاسپورتىن جانە 3*4 فورماتىنداعى ەكى فوتوسۋرەتتى ۇسىنۋى قاجەت.
وتىنىشتەر دەمالىس جانە مەرەكە كۇندەرىن قوسپاعاندا, دۇيسەنبىدەن جۇماعا دەيىن قابىلدانادى.
