فوتو: اقوردا
مارافوندى تەلەارنانىڭ بىرنەشە ءجۋرناليسى تىزگىندەگەن.
ۇلتتىق ارنا تارتۋىنا بەيبىت كۇندە ەل ىشىنەن شىققان باتىرلار قوناق رەتىندە شاقىرىلعان. سونىڭ ءبىرى الماتى وبلىسى ىلە اۋدانىنداعى № 219 اۆتوبۋس باعدارى جۇرگىزۋشىسىنىڭ تالماسى ۇستاپ قالعاندا كولىكتى توقتاتىپ, بىرنەشە جولاۋشىنى امان الىپ قالعان اقجول گەروي.
ۇلتتىق ارنا تورىندە قوناق بولعان باتىر بالا قازاقستان حالقىن ناۋرىز مەرەكەسىمەن قۇتتىقتادى.
سونداي-اق تىكەلەي ەفيردە تۇركىمەنستاننىڭ ءبىزدىڭ ەلدەگى وكىلەتتى ەلشىسى ەكى مەملەكەت اراسىنداعى ناۋرىزدى تويلاۋدىڭ ۇقساستىقتارى مەن ەرەكشەلىكتەرىن ايتىپ بەردى. ماسەلەن, قازاق حالقى ناۋرىزكوجەنى 7 دامنەن جاساسا, تۇرىكمەن حالقى 7 س ارپىنەن باستالاتىن دامنەن ناۋرىز كوجە دايىندايدى.
مارافوندا پرەزيدەنت قاسىم - جومارت توقاەۆتىڭ تازى يتتەرىن اسىراۋدى ۇناتاتىنى ايتىلىپ, 3 تازىسىنىڭ ەڭ كىشكەنتاي كۇشىگىن ناۋرىز دەپ اتاعانى ايتىلدى.
ەسكە سالايىق, 2023 جىلى قازاقستان پرەزيدەنتى قاسىم-جومارت توقاەۆ ناۋرىز مەيرامى قارساڭىندا استاناداعى «تازى» تۇقىمدى يتتەردىڭ كورمەسىن ارالاپ كورگەن ەدى. «ناۋرىز» ەسىمدى تازى پرەزيدەنتكە سول كورمەدە سىي رەتىندە ۇسىنىلدى. ق.توقاەۆ تازى كۇشىگىنىڭ ەسىمىن وزگەرتپەگەنى بەلگىلى بولدى.
ايتا كەتەيىك, تىكەلەي ەفيردە ۇلتتىق قۇندىلىقتار ناسيحاتتالىپ, ءداستۇرلى ءان-جىر اۋەلەپ جاتىر.
