ناۋرىزكوجە قالاي دايىندالادى؟

ناۋرىزكوجەنى جەتى ءتۇرلى تاعامنان جاساۋ «قازاقتىڭ ىرىس-بەرەكەسى تاسىسىن, داستارحانعا مولشىلىق كەلسىن» دەگەن شىنايى پەيىلدەن تۋعان دەسەدى. 

كونە ءداستۇر بۇگىن دە ساقتالعانى قۋانتادى, ارينە. دەسە دە ءار ءوڭىردىڭ ناۋرىزكوجە دايىنداۋ ۇلگىسىندە بىرقاتار ايىرماشىلىق بار. وعان قاراماستان ناۋرىزدى تويلاپ باستاعان ءار ادام الدىمەن ناۋرىزكوجەدەن ءدام تاتۋدى ماقسات تۇتادى.

تومەندە ناۋرىز كوجەنىڭ دايارلانۋ ۇلگىسىن ۇسىنىپ وتىرمىز.

قۇرامى:

• 1 كەلى ەت
• قازى, قارتا
• بيداي - 100 گرامم
• كۇرىش - 100 گرامم
• جارما - 100 گرامم (پەرلوۆكا)
• تارى - 100 گرامم
• تۇز
• سۋ - 3 ليترم
• ايران - 1 ليتر

قازانعا سۋ قۇيىپ, ەت, قازى-قارتانى سالىپ, قايناتۋ قاجەت. قايناعاندا سورپانىڭ كوبىگىن الۋدى ۇمىتپاعان ءجون. 1,5-2 ساعاتتاي قايناتىپ, ەتتى ءسۇزىپ الۋ كەرەك. ەندى داندەردى جاقسىلاپ جۋىپ, ءبىرىنشى بيدايدى سالىپ, 5 مينۋت قايناتىپ الۋ قاجەت. ەكىنشى جارمانى جانە كۇرىشتى سالىپ, 5 مينۋت قايناعان سوڭ, تارى سالىنادى. تالعامعا قاراي تۇزداپ الۋ كەرەك. داندەر ءپىسىپ بولدى-اۋ دەگەندە وتتان ءتۇسىرىپ, سالقىن جەرگە قويعان ابزال. قازاننان تۇسىرىلگەن ەتتەردى ۇساقتاپ تۋراپ, بارلىعىن سورپاعا ايرانمەن قوسىپ ارالاستىرۋ قاجەت. 

***

قۇرامى:

• جىلقى ەتى - 0,5 كگ 
• قازى - 100 گرامم
• قوي ەتى - 0,5 كگ
• سۋ - 2,5 ليتر
• بيداي - 100 گرامم 
• كۇرىش - 100 گرامم
• جارما -100 گرامم 
• تارى - 100 گرامم 
• تۇز;
• ايران - 1 ستاقان;
• قۇرت

ەتتى جۋىپ, سۋ قۇيىلعان قازانعا سالۋ قاجەت. سۋ ءبىر قايناعاندا كوبىگىن الىپ, تۇزدايمىز. ەت پىسكەنشە وتىن باسىپ قويامىز. كۇرىش, بيداي, جارما تارىنى قوسىپ, پىسىرەمىز. بارلىعى پىسكەن سوڭ ايراندى قۇيىپ جاقسىلاپ ارالاستىرىپ الامىز.

اسىڭىز ءدامدى بولسىن!