سۋرەتتى تۇسىرگەن – دميتري ەروفەەۆ
اقش-تىڭ قازاقستانداعى توتەنشە جانە وكىلەتتى ەلشىسىن جەرگىلىكتى اجەلەر ءانسامبلى قارسى الىپ, دەلەگاتسيا مۇشەلەرىنە اننەن شاشۋ شاشتى. مۇقانشى اۋىلىنىڭ تۇرعىندارى قازاق حالقىنىڭ قوناقجايلىلىعىن كورسەتىپ, داستۇرگە ساي كۇتىپ الدى.
«Ochaq» تۇراقتى دامۋ ورتالىعى بالالارعا اعىلشىن ءتىلىن ۇيرەتۋ ماقساتىندا امەريكالىق گرانت باعدارلاماسىمەن اشىلعان. بۇگىندە ورتالىققا 80 بالا تىركەلگەن. ولار اعىلشىن تىلىنەن بولەك, مۇندا بىرنەشە مادەني ۇيىرمەگە قاتىسىپ ءجۇر. جيىندا جاستار ەلشىمەن اعىلشىن تىلىندە ەركىن اڭگىمەلەسىپ, سۇراقتارىن قويدى.
ءىس-شارا اياسىندا «Ochaq» تۇراقتى دامۋ ورتالىعى» قب باسشىسى, زاڭ عىلىمدارىنىڭ دوكتورى, پروفەسسور سارقىتبەك مولداباي قوناقتاردى قوعامدىق بىرلەستىكتىڭ قۇرىلۋ تاريحىمەن تانىستىردى. عيماراتتىڭ قۇرىلىسى مەن قىزمەتىنە شولۋ جاسادى. ول 4-ن امەريكالىق وقىتۋ باعدارلاماسىن ىسكە اسىرۋدى جوسپارلاپ وتىرعانىن ايتىپ, بۇل ماسەلەدە ادىستەمەلىك كومەك الۋعا دايىن ەكەنىن جەتكىزدى.
ايتا كەتەيىك, 4-H حالىقارالىق باعدارلاماسى 1902 جىلدان باستاپ 50-دەن استام ەلدە جۇمىس ىستەيدى. جوبا پراكتيكالىق وقىتۋ ارقىلى جاستاردىڭ ازاماتتىق, كوشباسشىلىق, جاۋاپكەرشىلىك جانە ومىرلىك داعدىلارىن دامىتۋدى كوزدەيدى. بۇل باعدارلاما اۋىلشارۋاشىلىق سالاسىمەن تىعىز بايلانىستى. سونىمەن قاتار سالاماتتى ءومىر سالتىن ناسيحاتتاۋعا, عىلىمدى, تەحنيكانى جانە تەحنولوگيانى دامىتۋعا باعىتتالعان.
جالپى اتالعان ورتالىقتىڭ نەگىزگى ماقساتى اۋىلدىڭ ەكولوگيالىق, ەكونوميكالىق جانە الەۋمەتتىك ماسەلەلەردى شەشۋگە جاردەمدەسەدى. سونداي-اق اۋىل تۇرعىندارىن تۇراقتى دامۋ مۇددەسىندە كەشەندى قولداۋ كورسەتۋىمەن دە ماڭىزدى. ۇلتتىق مەيرامنىڭ ۇستىنە تۇسكەن امەريكالىق قوناقتار جەتىسۋدىڭ جايساڭ جۇرتىنا ريزاشىلىعىن ءبىلدىرىپ, تارقادى.
جەتىسۋ وبلىسى
