تۋىندى اۆتورلارى – 10 اي بۇرىن تۇركىستان وبلىسىنان شاقىرىلعان 2-ءشى شابۋىلداۋ باتالونىنىڭ مەحانيك-جۇرگىزۋشىلەرى. ءبىرى – قاتارداعى جاۋىنگەر باتتال وسمانوۆ. ول بالا كەزىنەن ديزاينمەن اينالىسقاندى ۇناتادى. ەندى مىنە, بالا قيالى بۇگىندە ادامنىڭ كۇندەلىكتى ءومىرىن جەڭىلدەتۋگە كومەكتەسەتىن اقىلدى قۇرىلعىلار جاساۋعا سەپ بولىپ وتىر.
– ۆزۆودتاردىڭ جاۋىنگەرلىك اتىستارى اياقتالعاننان كەيىن يۋسۋف ەكەۋىمىزگە باتالون كومانديرى قاشىقتان ءوزىن ءوزى باسقاراتىن جاۋىنگەرلىك ماشينا جاساڭدار دەگەن تاپسىرما جۇكتەدى. بىردەن سىزباسىن سىزىپ, وي-قيالعا ەرىك بەرىپ, قۇرالداردان ماشينا جاساۋعا كىرىستىك. ونى جاساۋعا ەكى اپتا كەتتى. ماشيناعا ءبىزدىڭ باتالوننىڭ «بارىس» دەگەن اتى بەرىلدى. «بروندى ماشينانىڭ» سالماعى شامامەن ون كيلو, باسقارۋ ءپۋلتى بار, 7,62 مم پكت وتشاشارمەن جابدىقتالعان. وتشاشار 360 گرادۋسقا بۇرىلادى, بارىنشا قوزعالىس جىلدامدىعى 10-15 كم/ساع. بولاشاقتا ونى جەتىلدىرسەك دەپ وتىرمىز, مۇمكىن گراناتا اتقىشتى ورناتىپ, ءشاسسيدى كۇشەيتىپ, جىلدامدىقتى ارتتىراتىن شىعارمىز, – دەدى باتتال وسمانوۆ.
ونەرتاپقىشقا سەرىك بولعان يۋسۋف پارمانقۇل دا بۇرىننان ەلەكتروتەحنيكامەن جانە اۆتوموبيلدەرمەن, مەكتەپتە روبوتتەحنيكاعا اۋەستەنگەن. ءتىپتى كوللەدجدە «تەحنيك-ەلەكتريك» ماماندىعىن مەڭگەرىپ, روبوتتەحنيكا بويىنشا «Turkestan World Skills» حالىقارالىق جارىستارىنا قاتىسىپتى. بۇل جەتىستىك اسكەري قىزمەتتىڭ بەدەلىن ارتتىرىپ, ساربازداردىڭ قىزمەت بارىسىندا اسكەري ءىستى مەڭگەرىپ قانا قويماي, تالانتىن اشۋعا جانە ءوزىن كورسەتۋگە مۇمكىندىك بەرەتىنىن ايعاقتايدى.
