فوتو: استانا قالاسى اكىمدىگى
ۇكىمەت باسشىسىنىڭ سوزىنشە دامىعان ەلدەر تۇرمىستىق قالدىقتاردى قايتادان وڭدەپ, بارىنشا كادەگە جاراتىپ وتىر.
«ال, بىزدە جينالعان قوقىستى جەرگە كومە سالۋ, تاۋداي قىلىپ ءۇيىپ قويۋ ۇيرەنشىكتى جاعدايعا اينالدى. بۇل ەلدى مەكەندەردىڭ كوركىن بۇزۋمەن قاتار, ەشقانداي سانيتاريالىق, ەكولوگيالىق نورمالارعا ساي ەمەس. سونىمەن قاتار تاماق قالدىقتارىن كادەگە جاراتۋ مەن قايتا وڭدەۋ ماسەلەلەرى دە شەشىمىن تاپپاي وتىر», دەپ اتاپ ءوتتى ول.
ونىڭ ايتۋىنشا, مينيسترلىك پەن وڭىرلەر قالدىقتاردى جيناۋ, قايتا وڭدەۋ جانە كادەگە جاراتۋ مەحانيزمىن ازىرلەۋ جۇمىسىن سوزبالاڭعا سالىپ جىبەردى.
«كاسىپورىنداردىڭ كوبى شيكىزاتتى جيناۋمەن, ونى بۋىپ-ءتۇيىپ, شەتەلگە ساتۋمەن عانا اينالىسادى. ال, قالدىقتاردى قايتا وڭدەپ, تۇپكىلىكتى ءونىم شىعارىپ وتىرعاندار از. مىسالى, سولتۇستىك قازاقستان وبلىسىندا «رادۋگا» كومپانياسى پوليەتيلەن مەن قاعاز قالدىقتارىن قايتا وڭدەپ, حالىق تۇتىناتىن ءار ءتۇرلى تاۋارلار وندىرەدى. شىمكەنتتە «ەۆروكريستالل» كومپانياسى شىنىنى قايتا وڭدەپ, ىدىس-اياق شىعارادى. الماتى وبلىسىندا «KZ recycling» كومپانياسى ماكۋلاتۋرادان قاعاز ونىمدەرىن شىعارادى. قىزىلوردا وبلىسىندا ءاربىر اۋدان قالدىقتاردى قايتا وڭدەۋگە قاتىستى ءوز جوبالارىن ىسكە اسىرىپ جاتىر», دەدى پرەمر-مينيستر.
اتىراۋ, اقتوبە, اباي وبلىستارىندا قالدىقتاردى سۇرىپتاۋ جەلىسىن ىسكە قوسا الماي كەلەدى.
ۇكىمەت باسشىسى الەمدە قوقىستى قايتا وڭدەۋ تابىستى بيزنەس ەكەنىن, قازاقستان دا زامانا كوشىنەن قالماۋعا تيىستىگىن جەتكىزدى.
