فوتو: اشىق دەرەككوز
«بيىلعى قاڭتار-اقپان ايلارىنىڭ قورىتىندىسى بويىنشا ەل ەكونوميكاسى 4,2%-عا ءوستى. ناقتى سەكتوردا وڭ ديناميكا بايقالۋدا. ناقتى سەكتور – 5,1%-عا, ال قىزمەت كورسەتۋ سالاسى 3,5%-عا ارتتى. سالالار اراسىندا ەڭ جوعارى ءوسىمدى قۇرىلىس, اقپارات جانە بايلانىس, كولىك جانە قويمالاۋ, سونداي-اق وڭدەۋ ونەركاسىبى كورسەتتى. نەگىزگى كاپيتالعا سالىنعان ينۆەستيتسيالاردىڭ ءوسۋى 7,9%-دى قۇراپ, قاڭتارداعى 0,6%-عا قاراعاندا ايتارلىقتاي جەدەلدەدى», دەدى ۆەدومستۆو باسشىسى.
ءمينيستردىڭ ايتۋىنشا, ينۆەستيتسيالار كولەمى قۇرىلىستا – 2,7 ەسەگە, ءبىلىم بەرۋ – 56%-عا, كولىك جانە قويمالاۋدا – 47%, اقپارات جانە بايلانىستا – 45%, وڭدەۋ ونەركاسىبىندە – 37%, اۋىل شارۋاشىلىعىندا 12%-عا ءوستى.
سونىمەن قاتار وڭىرلەر اراسىندا ەڭ جوعارى ءوسىم قىزىلوردا, تۇركىستان, جەتىسۋ وبلىستارىندا, سونداي-اق استانا قالاسىندا بايقالدى. اقمولا, اتىراۋ جانە ماڭعىستاۋ وبلىستارىندا ينۆەستيتسيا كولەمىنىڭ تومەندەۋى بايقالادى. الدىن الا قورىتىندى بويىنشا بيىلعى قاڭتاردا سىرتقى ساۋدا تاۋار اينالىمى 10 ملرد دوللاردان استى.
