وڭىرلەرگە ساپارعا ورتالىق سايلاۋ كوميسسياسى اپپاراتىنىڭ جاۋاپتى قىزمەتكەرلەرى دە قاتىستى. كوميسسيا مۇشەلەرى 4 جانە 6 ناۋرىزدا تۇراقتى كاسىبي نەگىزدە وكىلەتتىكتەرىن جۇزەگە اسىراتىن وسى وڭىرلەردىڭ بارلىق دەڭگەيىندەگى اۋماقتىق سايلاۋ كوميسسيالارىنىڭ مۇشەلەرى ءۇشىن سەمينار-كەڭەستەر وتكىزدى.
سەمينار-كەڭەستەر بارىسىندا كونستانتين پەتروۆ 2024 جىلعى 31 ناۋرىزعا تاعايىندالعان ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋدى دايىنداۋ جانە وتكىزۋ ەرەكشەلىكتەرى تۋرالى ايتىپ بەردى. سونىمەن قاتار ول سايلاۋ جانە سايلاۋارالىق كەزەڭدەردە تۇراقتى كاسىبي نەگىزدە وكىلەتتىكتەرىن جۇزەگە اسىراتىن سايلاۋ كوميسسيالارى مۇشەلەرىنىڭ قىزمەتى, سايلاۋ ۇدەرىسىن تۇتاستاي ۇيىمداستىرۋ, سايلاۋشىلار تىزىمىمەن جۇيەلى جۇمىس, سايلاۋ ۇدەرىسىنىڭ بارلىق قاتىسۋشىمەن ءوزارا ءىس-قيمىل ماسەلەلەرىن بەلگىلەدى.
ءسابيلا مۇستافينا سايلاۋ ۇدەرىسىنە قاتىسۋشىلارعا ەلەكتوراتتىق وقىتۋدى ۇيىمداستىرۋ مەن قاعيداتتارىن, سايلاۋدى ۇيىمداستىرۋشىلاردىڭ ەڭبەگىنە اقى تولەۋدى, ۇيىمداستىرۋ ماسەلەلەرىن قارجىلاندىرۋدى, بيۋدجەتتىڭ اتقارىلۋى مەن ىسكە اسىرىلۋىن قامتيتىن سايلاۋدى مەملەكەتتىك قارجىلاندىرۋ ماسەلەلەرىن ءتۇسىندىردى.
ءىس-شارالار اياسىندا وسك اپپاراتىنىڭ ءبولىم مەڭگەرۋشىلەرى ايگەرىم تاجيەۆا, گۇلناز كەمباەۆا اسك مۇشەلەرىن سايلاۋدى ۇيىمداستىرۋشىلاردى وقىتۋ نىساندارى جانە ادىستەرىمەن, ءماسليحات دەپۋتاتتىعىنا كانديداتتاردى سايلاۋ الدىنداعى ۇگىتتى مەملەكەتتىك جانە مەملەكەتتىك ەمەس قارجىلاندىرۋمەن جان-جاقتى تانىستىردى, سونداي-اق قاتىسۋشىلار ءۇشىن تەستىلەۋ وتكىزدى.
سەمينار-كەڭەستەردىڭ ەكىنشى بولىمىندە وڭىرلەردىڭ اسك مۇشەلەرى سايلاۋ زاڭناماسىنا سايكەس سايلاۋ تاجىريبەسى مەن ولاردىڭ پراكتيكالىق شەشىمدەرى نەگىزىندە كەيستىك جاعدايلاردى پىسىقتاي وتىرىپ, داۋىس بەرۋ كۇنى بويىنشا تاجىريبەلىك ساباقتار ۇيىمداستىردى. بۇل رەتتە, وسك مۇشەلەرى نەگىزگى ساراپشىلار بولدى.
سونداي-اق جۇمىس ساپارى اياسىندا كونستانتين پەتروۆ پەن ءسابيلا مۇستافينا شىعىس قازاقستان وبلىسىنىڭ ۇلان اۋدانى مەن اباي وبلىسىنىڭ جارما اۋدانىنىڭ اۋماقتىق سايلاۋ كوميسسيالارىنا باردى. كوميسسيا مۇشەلەرى ءماسليحاتتاردىڭ شىعىپ قالعان دەپۋتاتتارىنىڭ ورنىنا سايلاۋدى وتكىزۋ جونىندەگى سايلاۋ ناۋقانىنىڭ بارىسىمەن, سونداي-اق سايلاۋ كوميسسيالارى مۇشەلەرىنىڭ داۋىس بەرۋ كۇنىنە دايىندىعىمەن تانىستى.
