فيليالدى اشۋ قازاقستان رەسپۋبليكاسىنىڭ پرەزيدەنتى ق.توقاەۆ پەن وزبەكستان رەسپۋبليكاسىنىڭ پرەزيدەنتى ش.ميرزيوەۆتىڭ ەكى مەملەكەت اراسىنداعى ديپلوماتيالىق قارىم-قاتىناستىڭ قۇرىلعانىنا 30 جىل تولۋىنا وراي كەزدەسۋىنىڭ قورىتىندىسى بويىنشا جاسالعان كەلىسىم نەگىزىندە جۇزەگە اسىرىلۋدا. مەملەكەت باسشىلارىنىڭ كەلىسسوزدەرىنىڭ ناتيجەسىندە «جول كارتاسى» ازىرلەندى. ەكى ەلدىڭ ۆەدومستۆولىق مينيسترلىكتەرى دەڭگەيىندە شىرشىق قالاسىندا فيليال اشۋ تۋرالى ۇشجاقتى كەلىسىمگە قول قويىلدى.
ءىس-شارا بارىسىندا م.اۋەزوۆ اتىنداعى وقۋ باسقارما توراعاسى-رەكتوردىڭ كەڭەسشىسى د.پ.قوجامجاروۆا قازاقستاندىق جەتەكشى جوعارى وقۋ ورنىنىڭ فيليالىن اشۋداعى پەرسپەكتيۆالارىن بايانداپ, پرەزەنتاتسياسىمەن تانىستىردى.
پرەزەنتاتسيادا شىمكەنت قالاسىنىڭ جانە وڭتۇستىك ايماقتىڭ ەكونوميكاسىنىڭ ستراتەگيالىق دامۋىنا ۇلەسىن قوسۋعا باعىتتالعان ۋنيۆەرسيتەتتىڭ ءۇشىنشى ميسسياسىنا زەيىن اۋداردى.
Auezov University فيليالى وزبەكستاننىڭ ەڭبەك نارىعىندا باسەكەگە قابىلەتتى جانە سۇرانىسقا يە كادرلاردى دايارلاۋدى جۇزەگە اسىراتىن بولادى.
كادرلاردى دايارلاۋ گۋمانيتارلىق, تەحنيكالىق, IT-تەحنولوگيالار, حيميا جانە تاماق ونەركاسىبى باعىتتارى بويىنشا جۇزەگە اسىرىلادى.
شىرشىق — وزبەكستاننىڭ ونەركاسىبى دامىعان قالالارىنىڭ ءبىرى. وڭىردە ماشينا جاساۋ, مەتالل وڭدەۋ جانە حيميا ونەركاسىبى سياقتى سالالار قارقىندى دامىعان. وسىنداي تەندەنتسيالاردى ەسكەرە وتىرىپ, Auezov University وڭىرگە قاجەتتى سالالار بويىنشا كادرلار دايارلاۋدى قولعا الماق.
م.اۋەزوۆ اتىنداعى وڭتۇستىك قازاقستان ۋنيۆەرسيتەتى – ءبىلىم بەرۋ كەڭىستىگىندە ماماندار دايارلاۋدىڭ درايۆەرى بولىپ تابىلاتىن قازاقستان رەسپۋبليكاسىنىڭ كوپسالالى ءىرى زەرتتەۋ ۋنيۆەرسيتەتى. ۋنيۆەرسيتەت جوعارى جانە جوعارى وقۋ ورنىنان كەيىنگى ءبىلىم بەرۋ سالاسىندا ءبىلىم بەرۋدىڭ ءۇش دەڭگەيى بويىنشا مامانداردى دايىندايدى.
