فوتو: csp_parasport.kz
csp_parasport.kz ينستاگرام پاراقشاسىنىڭ ءمالىم ەتۋىنشە, فينالدا ءوزىن جاقسى كورسەتىپ, ەكىنشى ورىن العان ەركىن عابباسوۆتىڭ التىن مەدال الۋىنا 3 ۇپاي عانا جەتپەي قالدى. جارىس جەڭىمپازى كورەيالىق دجانگحو لي-دا پاراليمپيادا ويىندارىنىڭ جولداماسى بولعاندىقتان, ەكىنشى ورىن العان قازاقستان سپورتشىسىنا پاريج-2024 ليتسەنزياسى تيەسىلى.
دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ كوماندا باسشىسى سۇلتانبەك قابي: «وسىمەن بيىلعى پاراليمپيادا ويىندارىنا 11 ليتسەنزيامىز بار. بۇعان دەيىن ۆولەيبولدى وتىرىپ ويناۋ قۇراماسى, پارا كانوەدان سپاتاي بيبارىس, پارا جەڭىل اتلەتيكادان داستان مۇقاشبەكوۆ, پارا پاۋەرليفتينگتەن داۆيد دەگتيارەۆ, پارا جۇزۋدەن 3 سپورتشى, پارا تاەكۆوندودان كاميليا دوسمالوۆا, نۇرلان دومباەۆ, نىشان ءومىرالى العان ەدى. ەندى مىنە پارا وق اتۋدان ەركىن عابباسوۆ بايراقتى دوداعا جولداما الىپ وتىر. پاراليمپيادا ويىندارىنا دەيىن ليتسەنزيات سپورتشىلاردىڭ سانى ءالى ارتادى دەپ سەنەمىن», دەدى.
ايتا كەتسەك, پارا وق اتۋدان 49 ەلدەن 268 سپورتشى قاتىسىپ جاتقان WSPS الەم كۋبوگى ءۇندىستاننىڭ باس شاھارى نيۋ-دەليدە 6 ناۋرىز كۇنى باستالعان, 15 ناۋرىزدا اياقتالادى.
