اتالعان قۇتتىقتاۋ ماتىندە: «بارشاڭىزدى حالىقارالىق ايەلدەر كۇنىمەن شىن جۇرەكتەن قۇتتىقتايمىن! سىزدەر ءومىردى سۇلۋلىققا تولتىرىپ, اينالاڭىزدى ۇنەمى اسەمدىككە, ادەمىلىككە, شاتتىققا بولەيسىزدەر.
ايەلدەر قاۋىمى – قاشاندا ۇلتتىڭ ۇيىتقىسى جانە وتباسىنىڭ بەرەكەسى. سىزدەر قاي كەزەڭدە دە دانالىق پەن پاراساتتىلىقتىڭ بيىگىنەن كورىنىپ, ەلدىڭ ىلگەرى جىلجۋىنا ۇلكەن ۇلەس قوسىپ كەلەسىزدەر. تاۋەلسىز قازاقستاننىڭ ءوسىپ-وركەندەۋى جولىنداعى ەسەلى ەڭبەكتەرىڭىز دە ايرىقشا ماڭىزعا يە.
انالارىمىزدىڭ اق تىلەگى مەن ەرىك-جىگەرى ۇلتتىڭ بويىنا ۇلكەن سەنىم ۇيالاتىپ, جارقىن كۇندەرگە جەتەلەيدى. ايەل ازاماتتاردىڭ ۇرپاق تاربيەسىندەگى ءرولى دە ءاردايىم جوعارى قۇرمەتكە لايىق. سوندىقتان بۇل مەرەكەنى اياۋلى انالارىمىزعا جانە ارۋلارىمىزعا دەگەن ىقىلاس پەن ءىلتيپاتتىڭ سيمۆولى دەپ قابىلدايمىز.
كوڭىلگە شۋاق شاشاتىن بۇگىنگى مەيراممەن قۇتتىقتاي وتىرىپ, سىزدەرگە زور دەنساۋلىق, تولايىم تابىس جانە باقىت تىلەيمىن!
مەرەكە قۇتتى بولسىن!», دەلىنگەن.
