فوتو: ۆلاديمير ترەتياكوۆ
Energyprom ۇسىنعان دەرەكتەرگە سايكەس, قازاقستاندا گۇل باعاسى 8,2%-عا قىمباتتادى.
وڭىرلەر بويىنشا تالدايتىن بولساق, ەڭ قىمبات گۇلدەر قاراعاندى وبلىسىندا ساتىلادى - ءبىر جىلدا 41,5%-عا قىمباتتاعان. ەكىنشى ساتىدا الماتى وبلىسى (پليۋس 18,1%) جانە استانا قالاسى (پليۋس 14,5%) تۇر. ەڭ از جىلدىق باعا ءوسىمى الماتى قالاسىندا تىركەلدى: 1,3%.
ال اقمولا, جامبىل جانە جەتىسۋ وبلىستارىندا باعا بىلتىرعى قاڭتارداعى دەڭگەيدە ساقتالدى. تاعى ەكى وڭىردە باعا تومەندەدى: پاۆلودار وبلىسىندا ءبىر جىلدا 0,9%-عا, ۇلىتاۋ وبلىسىندا 6,1%-عا ارزاندادى.
ايتا كەتسەك, بار ادامزاتقا تانىمال راۋشان گ ۇلىنىڭ ءبىر داناسى قاڭتار ايىندا ورتاشا ەسەپپەن 946 تەڭگەدەن ساتىلدى. اباي وبلىسىندا ءسال قىمباتىراق - 1,4 مىڭ تەڭگە. قوستاناي (1,3 مىڭ تەڭگە) جانە شىعىس قازاقستان (1,2 مىڭ تەڭگە) وبلىستارىندا, كەرىسىنشە, ءسال ارزانىراق.
ەڭ ارزان راۋشاندار شىمكەنتتە ساتىلدى, بار بولعانى 600 تەڭگە. باتىس قازاقستان وبلىسىندا ءبىر راۋشاننىڭ باعاسى 648 تەڭگەنى, قىزىلوردادا 667 تەڭگەنى قۇراعان.
وسى ورايدا Energyprom ساراپشىلارى picodi.com سايتىنىڭ ساۋالناماسىن ۇسىنۋدى ءجون كوردى. 2022 جىلى جۇرگىزىلگەن ساۋالناماعا سايكەس, قازاق ايەلدەرىنىڭ 39%-ى عانا مەرەكەگە گۇل العىسى كەلەدى.
ايەلدەردىڭ 87%-ى كوبىنە جۇمىس ورنىندا, 89%-ى جاقىندارىنان گۇل الادى. نازىك جاندىلاردىڭ 56%-ى 8 ناۋرىزدا وزدەرى گۇل سىيلايدى. ەر ادامداردىڭ تەك 70%-ى گۇل سىيلايدى.
ايتپاقشى, ساۋالناماعا سايكەس, گۇلدەر كوپ قالاناتىن سىيلىقتار اراسىندا تەك بەسىنشى ورىندا تۇر. بۇرىمدىلار 8 ناۋرىزعا اقشا (69%), پارفيۋمەريا (63%) جانە كوسمەتيكانى (54%) ەڭ كەرەكتى سىيلىقتار دەپ سانايدى. ال ەڭ قاجەتسىز ءارى ورىنسىز سىيلىقتار قاتارىنا الكوگول (50%), ىشكيىم (44%) جانە اشىق حاتتار (38%) ەندى.
