جالپى 50-رەت ساحنالانىپ وتىرعان قويىلىمنىڭ يدەيا اۆتورى – قازاقستاننىڭ ەڭبەك سىڭىرگەن ءارتىسى, مەملەكەتتىك سىيلىقتىڭ لاۋرەاتى مايرا مۇحامەدقىزى, كومپوزيتورى – مادەنيەت سالاسىنىڭ ۇزدىگى, حالىقارالىق بايقاۋلاردىڭ لاۋرەاتى, تاسقىن جارمۇقامەت. ليبرەتتوسىن جازعان – قازاقستاننىڭ ەڭبەك سىڭىرگەن قايراتكەرى اسحات ماەميروۆ, قويۋشى-رەجيسسەر – ميحايل پاندجاۆيدزە, قويۋشى-ديريجەر – ءمادي ومىرزاقوۆ, قويۋشى-سۋرەتشى – باقىت كۇزەمباەۆ. تەاتر ديرەكتورى مايرا مۇحامەدقىزىنىڭ ايتۋىنشا, قويىلىمدى كيەلى قالا كورەرمەندەرىنە ۇسىنۋداعى ءبىر ماقسات – وڭىرىمىزگە جان-جاقتان كەلگەن تۋريستەرگە ءداستۇرلى تاريحي مادەنيەتىمىزدى تانىستىرۋ.
«دومالاق انا» وپەراسىن ساحنالاۋ ەگەمەن ەلىمىز ءۇشىن تاريحي وقيعا, جاڭا بەلەس بولىپ وتىر. قازاق تاريحىنداعى اتى اڭىزعا اينالعان ابىز انالارىمىزدىڭ ىشىندە قاسيەتتى «دومالاق انا» تۋرالى وقيعا تاريحي شىندىعىنىڭ مولدىعىمەن دارالانىپ تۇراتىن شىعارمالاردىڭ ءبىرى ەكەندىگى ءسوزسىز. انالارىمىزدى ۇلىقتاماي, ۇلىلاردى دارىپتەمەي ۇلى ونەردى جاسادىق دەۋ ارتىق», دەيدى مايرا مۇحامەدقىزى.
قازاق حالقىنىڭ وزىنە ءتان قاسيەتتى انا بەينەسى «دومالاق انا» وپەراسىندا تەرەڭدىكپەن جەتكىزىلگەن. جاس قىز نۇريلانىڭ انا اتانىپ, وسيەت پەن رۋحاني قۇندىلىقتارعا جانە مەيىرىمگە تولى عۇمىرى ارقىلى انا ماحابباتىنىڭ قۋاتى شىنايى كورسەتىلىپ, سۋرەتتەلەدى. وپەرا تەك انالىق قايسار جۇرەك پەن قالىڭ ەلگە تاراعان كەڭپەيىلدىلىكتى ايشىقتاپ قانا قويماي, قازاق حالقىنىڭ تاريحىندا ماڭىزدى وقيعالاردىڭ قوزعاۋشىسى بولعان بايدىبەك باتىردىڭ ءوز حالقىنا دەگەن سۇيىسپەنشىلىگىمەن ءبىر ارناعا توعىسىپ, قازاق ەلىنىڭ مادەني كوركەمدىگىن كەڭىنەن قامتيدى. قويىلىم سوڭىندا كورەرمەن ونەر ۇجىمىنا زور قوشەمەت كورسەتىپ, ريزاشىلىعىن ءبىلدىردى.
ايتا كەتەلىك, تۇركىستان مۋزىكالىق دراما تەاترى ناۋرىز ايىندا ونەرسۇيەر قاۋىمعا «فاريزا» دراماسىن, «كەلىندەر كوتەرىلىسى» كومەدياسىن جانە «بورتە» تاريحي دراماسىن ۇسىنادى.
تۇركىستان
