فوتو: gov.kz
«ۇلتتىق دامۋ جوسپارىنىڭ جوباسى ازىرلەنگەن ساتتەن بەرى ۇكىمەتپەن بىرنەشە مارتە تالقىلاۋلار مەن كەلىسۋلەر ءوتتى, ءبىز ءارى قاراي ونى «اشىق نقا» پورتالىندا جاريالادىق جانە جالپى ازاماتتاردان 200-گە جۋىق ۇسىنىس-پىكىرلەرى مەن وتىنىشتەرىن الدىق. قۇجاتتىڭ نەگىزگى ازىرلەۋشىسى رەتىندە ءبىز ءۇشىن بارلىق مۇددەلى تۇلعالاردى تالقىلاۋعا قاتىستىرىپ, ۋاقىت سىنىنا جاۋاپ بەرەتىن جوسپار جاساقتاۋ ماڭىزدى», دەدى ول.
ستراتەگيالىق سەسسيا ءوندىرۋشى سالا وكىلدەرىنىڭ 2029 جىلعا دەيىنگى ۇلتتىق دامۋ جوسپارىنا ۇسىنىستارىن تالقىلاۋعا ارنالدى. پىكىرتالاس تاقىرىبى گەولوگيالىق بارلاۋدى ىنتالاندىرۋ, سالىقتىق اكىمشىلەندىرۋ, تەحنوگەندىك مينەرالدى تۇزىلىمدەردى يگەرۋ, ەكونوميكانى ىرىقتاندىرۋ, دەكاربونيزاتسيا ماسەلەلەرى بولدى.
«اتامەكەن» ۇكپ توراعاسىنىڭ ورىنباسارى گۇلنار بيجانوۆا اتاپ وتكەندەي, 2029 جىلعا دەيىنگى ۇلتتىق دامۋ جوسپارى ستراتەگيالىق جوسپارلاۋدىڭ جوعارعى دەڭگەيلى قۇجاتى بولىپ تابىلادى. «دامۋ جوسپارىنىڭ ماڭىزدىلىعىن ەسكەرە وتىرىپ, قۇجاتتىڭ نەگىزىن قۇرايتىن سالانىڭ وزەكتى ماسەلەلەرىن بەلگىلەۋ ءبىز ءۇشىن اسا ماڭىزدى», دەدى ول.
تالقىلاۋ بارىسىندا قاتىسۋشىلاردىڭ ارقايسىسى سالانى دامىتۋعا باعىتتالعان ءوز ۇسىنىستارى مەن ناقتى ماسەلەلەرىن ءبىلدىردى. ءىس-شارا قاتىسۋشىلارى ىنتىماقتاستىقتى ءارى قاراي جالعاستىرۋعا كەلىستى.
ءىس-شاراعا «اتامەكەن» ۇكپ وكىلدەرى گ. بيجانوۆا, ر. شۋنتۋكوۆ, و. قۋاتبەكوۆ, سونداي-اق ەۋرازيالىق ونەركاسىپتىك قاۋىمداستىق, «تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعى» زتب, «باعالى مەتالداردى وندىرۋشىلەردىڭ رەسپۋبليكالىق قاۋىمداستىعى» زتب, «قازمىرىش» جشس, «ERG Exploration» جشس, «Kazakhmys Barlau» جشس, «ەۋرازيالىق توپ» جشس, «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» اق, «Kazminerals» توبى, «پوليمەتالل ەۋرازيا» جشس, «قازاقمىس كورپوراتسياسى» جشس وكىلدەرى قاتىستى.
