فوتو: سەناتتىڭ ءباسپاسوز قىزمەتى
كەزدەسۋگە قاتىسۋشىلار قازاقستان جانە كۇللى الەم قوعامداستىعى عىلىمىنىڭ دامۋىنا قانىش ساتباەۆتىڭ قوسقان ۇلەسىن تالقىلادى. سونىمەن قاتار عالىمنىڭ ەڭبەكتەرى مەن سويلەگەن سوزدەرىندە قالىپتاسقان يدەيالاردىڭ جانە ۇستانىمداردىڭ قازىرگى عىلىم, ءبىلىم, مادەنيەت سالالارىنداعى ءمان-ماڭىزى قارالدى.
ۋنيۆەرسيتەت رەكتورىنىڭ مىندەتىن اتقارۋشى سەرىك ومىرباەۆ سەناتورلارعا اكادەميك قانىش ساتباەۆتىڭ عىلىمدى دامىتۋداعى ءىرى ۇيىمداستىرۋشى رەتىندەگى تاريحي ءرولىن اڭگىمەلەپ بەردى.
كەزدەسۋ بارىسىندا جالپى قارجىلاندىرۋى 3 ملرد تەڭگەدەن استام 53 عىلىمي جوبانى اتالعان جوعارى وقۋ ورنى ىسكە اسىرىپ جاتقانى ايتىلىپ, Scopus-تا 250-گە جۋىق ماقالانىڭ جاريا ەتىلگەنى, 24 اۆتورلىق كۋالىك الىنىپ, 3 عىلىمي جانە عىلىمي-تەحنيكالىق قىزمەتتىڭ ناتيجەسى تىركەلگەنى تۋرالى ايتىلدى.
جيىندا عالىمدار, دوكتورانتتار, ماگيسترانتتار باياندامالار جاسادى. كەزدەسۋ مەملەكەت باسشىسىنىڭ بىلتىرعى جولداۋىن ىسكە اسىرۋ شەڭبەرىندە «وتاندىق عىلىمدى دامىتۋ جانە عىلىمي-تەحنيكالىق پروگرەسس» تاقىرىبىنداعى دوڭگەلەك ۇستەلگە دايىندىق اياسىندا ءوتتى.
