فوتو: ۇوك
گەننادي گولوۆكين ءسوزىنىڭ باسىندا تۋعان جەرىنە قىزمەت ەتۋ ءوزى ءۇشىن جوعارى مارتەبە ەكەنىن اتاپ ءوتتى. ول حالىقارالىق دەڭگەيدە جيناعان تاجىريبەسىن, ءوز ەلىندە قولدانۋ كوپتەن بەرگى قالاۋى بولعانىن جاسىرمادى.
«ماعان قازاقستان ۇلتتىق وليمپيادالىق كوميتەتىن باسقارۋدى ۇسىنعاندا, قازاق سپورتىن دامىتۋعا ءوز ۇلەسىمدى قوسۋعا مۇمكىندىك بەرسە عانا, كانديداتۋرامدى ۇسىناتىنىمدى ايتتىم. وزدەرىڭىز بىلەتىندەي, مەن ساياساتكەر دە, شەنەۋنىك تە ەمەسپىن. ءوز ويىمدى, جوسپارىمدى سوزبەن ەمەس, ىسپەن دالەلدەپ ۇيرەنگەنمىن. وسى ورايدا, مەنىڭ ءوز كوزقاراسىم, جىلدار بويى جينالعان حالىقارالىق تاجىريبەم بارىن, كوماندا بارىن ايتقىم كەلەدى. ال ەڭ باستىسى جانە مەنىڭ كوپتەن بەرگى قالاۋىم – بارلىعىن ءوزىمنىڭ تۋعان ەلىمدە جۇزەگە اسىرۋ», دەدى ول.
