رەفورمانىڭ ەرەكشەلىگى ونىڭ ادامنىڭ ساناسىمەن تىكەلەي بايلانىستىرىلا جۇرگىزىلۋىندە. سەبەبى وسىلاي عانا قوعامدى تەز قارقىنمەن دامىتىپ, سىرتقى تەرىس ىقپالداردان قورعاپ, ونى ساياسي-الەۋمەتتىك تۇرعىدا جان-جاقتى كەمەلدەندىرۋگە مۇمكىندىك بەرمەك. ەكونوميكاعا باسىمدىق بەرگەن بۇرىنعى دامۋ قاعيداتى قوعامدىق سانانىڭ دامۋىن تۇرالاتىپ, اشىقتىق پەن جاريالىلىققا جول اشاتىن كۇشتى ازاماتتىق قوعام, ءادىل ساياسي باسەكەلەستىك, سوت جۇيەسى دەربەستىگىنىڭ قالىپتاسۋىنا كەدەرگى جاسادى. ەكونوميكالىق رەفورمانىڭ العىشارتى ساياسي رەفورما ەكەندىگىنە ونشا ءمان بەرىلمەگەندىكتەن زاڭ ۇستەمدىگى ورنىعىپ, دەموكراتيالىق ينستيتۋتتار تولىققاندى جۇمىس ىستەي الماي قالدى. ويتكەنى ەكونوميكالىق جۇيەدەگى مونوپوليانىڭ نەگىزى ساياسي جۇيەدەگى مونوپوليادا جاتقان بولاتىن. دەمەك ادىلەتتى قازاقستاندى ساياسي رەفورمالاردى كەڭەيتۋ نەگىزىندە عانا قۇرۋعا بولاتىندىعىنا جانە دەموكراتيانى تەك ءتيىستى ينستيتۋتتاردىڭ تولىققاندى جۇمىس ىستەۋى ارقىلى بىرتىندەپ قالىپتاستىرۋعا بولاتىنىنا پرەزيدەنتتىڭ كوزى جەتتى.
قازاقستان بۇرىنعى سۋپەرپرەزيدەنتتىك باسقارۋ جۇيەسىنەن باس تارتىپ, مەملەكەتتىك باسقارۋدىڭ «كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت» فورمۋلاسىنا نەگىزدەلگەن پرەزيدەنتتىك باسقارۋ مەن حالىقتىڭ ۇنىنە قۇلاق اساتىن ادىلەتتى مەملەكەت قۇرۋعا كوشتى. پرەزيدەنت ۇكىمەتكە جاڭاشا تالاپ قويدى. ونداعى ماقسات – ەندىگى جەردە بۇكىل بيلىكتىڭ تەك پرەزيدەنتتىڭ قولىنا شوعىرلانۋىنا جول بەرمەۋ, بيلىكتىڭ تارماقتارىن قاۋقارسىز, دارمەنسىز, سولقىلداق جانە شاراسىز ەتىپ, پرەزيدەنتتىڭ اۋزىنا قاراتىپ قويماي, ولاردىڭ حالىققا ادال ەڭبەك ەتىپ, مەملەكەتتەگى بولىپ جاتقان جاعدايدىڭ بارلىعىنا جاۋاپكەرشىلىكتى ءوز موينىنا الاتىنداي جاعدايعا قول جەتكىزۋ.
پرەزيدەنتتىڭ قوعامدا زاڭ ۇستەمدىگى مەن ءتارتىپ ورناتۋعا باعىتتالعان ءىس-ارەكەتتەرى ءوز جەمىسىن بەرە باستادى. ساياسي سالاداعى وزگەرىستەردىڭ باستى باعىتتارىنىڭ بارلىعى قۇقىقتىق سيپاتقا يە بولىپ, رەسىمدەلىپ, زاڭدىق كۇشىنە ەنىپ, قوعامدىق ءومىردىڭ اعىمىن ايقىندادى. قۇقىق قورعاۋ جۇيەسىندە ۇلكەن وزگەرىستەر ورىن الىپ, ەلىمىزدە «زاڭ مەن ءتəرتىپ» قاعيداتىنىڭ ورنىعۋى باعىتىندا ءتيىستى قادامدار جاسالىپ جاتىر. ەندى قوعامدى ىشىنەن ىرىتەتىن, ادامگەرشىلىككە جات قىلىقتاردى اقتاۋدى كوزدەيتىن كەز كەلگەن əرەكەتتەر مەن قۇقىقتىق نيگيليزمگە تۇتاس ەل بولىپ توسقاۋىل قويۋعا بەت الىپ, ۇلتتىق قۇندىلىقتاردىڭ اياقاستى بولۋىن قاتاڭ ايىپتاپ, ونىمەن بىرلەسە كۇرەسۋدىڭ قاجەتتىلىگى تۋىنداپ وتىر.
پارلامەنت پەن مəسليحاتتار جۇمىسىنىڭ تيىمدىلىگى ارتتى. اكىمدەردىڭ تىكەلەي سايلانۋى جەرگىلىكتى بيلىكتىڭ قالىپتاسۋ ءتəسىلىن تۇبەگەيلى جاڭارتتى. اۋىل, اۋدان əكىمدەرىنىڭ حالىق الدىنداعى جاۋاپكەرشىلىگى ارتا ءتۇستى. دەمەك وسىنداي جۇيەلى جانە ءبىرىزدى جۇمىستىڭ ارقاسىندا كونستيتۋتسيالىق رەفورما ناقتى قولعا الىنىپ, كونستيتۋتسيالىق نورمالار كۇشىنە ەنىپ, ساياسي رەفورمالار ءوز جەمىسىن بەرە باستادى. ناتيجەسىندە, كوپپارتيالىق جۇيە, پارلامەنتتىك پليۋراليزم مەن وپپوزيتسيا, ارالاس سايلاۋ جۇيەسى, كونستيتۋتسيا كەپىلدىك بەرگەن جوعارى بيلىكتىڭ اۋىسپالىلىعى ءبىر جۇيەگە كەلتىرىلىپ, قوعامدىق ومىردە جۇمىس ىستەيتىن ساياسي مەحانيزمدەرگە اينالدى. وسىلايشا, ازاماتتاردىڭ ساياسي ومىرگە بەلسەندى ارالاسۋ ءۇشىن قۇقىقتىق كەپىلدەمە بەرىلىپ, قوعام مۇشەلەرى رەسپۋبليكانىڭ ساياسي ومىرىنە قاتىسۋ جəنە بارلىق دەڭگەيدە شەشىمدەر قابىلداۋعا ءوز ۇلەسىن قوسۋعا مۇمكىندىك الدى. قوعامدىق ءومىردى جاڭارتۋعا جاڭا ساياسي جۇيەنىڭ قالىپتاسۋى ءوز اسەرىن تيگىزىپ جاتىر. ساياسي رەفورمالار حالىقتىڭ ءال-اۋقاتىن جاقسارتۋعا باعىتتالىپ, مەملەكەتتىڭ ەكونوميكادا باتىل قادامدار جاساۋىنا ىقپال ەتىپ كەلەدى. ەكونوميكانى əرتاراپتاندىرۋ جəنە مونوپوليادان ارىلۋ بارىسىندا الەۋمەتتىك سالادا قوردالانىپ قالعان مəسەلەلەر بىرتىندەپ شەشىلە باستادى. ەندى حالىق وسى ۇدەرىستى قولداپ, قازاقستاننىڭ مەملەكەتتىلىگىن نىعايتىپ, ونىڭ وركەندەۋىنە ناقتى ۇلەسىن قوسۋى قاجەت.
سونىمەن قازاقستان ەسكى جۇيەدەن باس تارتىپ, ساياسي رەفورمالار قارقىندى عانا ەمەس, ەشقاشان كەرى قايتپايتىن تۇبەگەيلى سيپاتقا يە بولا باستادى. ۇلتتىڭ ساياسي سانا-سەزىمى تۇبەگەيلى وزگەرىپ كەلەدى. ق.توقاەۆتىڭ سۇحباتى جۇرتتىڭ كوپتەن كۇتكەن سۇراقتارىنا جانە حالىقتىڭ كوكەيىندەگى قوردالانعان ماسەلەلەرگە جاۋاپ بەردى. قازىرگى ساياسي بيلىك پەن ەسكى جۇيە اراسىنداعى قايشىلىق تۋدىرعان پروبلەمالار ەگجەي-تەگجەي ساراپتالدى. زاڭ مەن ءتəرتىپ ۇستەمدىگىن ورناتۋ مەملەكەتتىك ساياساتتىڭ نەگىزىنە اينالدى. ەندەشە, پرەزيدەنتتىڭ جۇرگىزىپ جاتقان ساياسي رەفورمالارى ادىلەتتى قازاقستاندى قۇرىپ, ونى وزىق ەلگە اينالدىرۋعا باعىتتالعان باستاماسىنىڭ دۇرىستىعى مەن ونىڭ تاعدىرشەشتى تاڭداۋ ەكەنىن كورسەتسە كەرەك.
