فوتو: ارنايى كاسىپتىك كوللەدج. Facebook
بۇل كوللەدج ەلىمىزدە مۇمكىندىگى شەكتەۋلى بالالارعا ارنالعان وڭالتۋ جانە ءبىلىم بەرۋ قىزمەتتەرىن ۇسىناتىن جالعىز كوللەدج.
تەسكەرىس ناتيجەسىندە كوللەدج باسشىلىعى ۇزاق ۋاقىت بويى زاڭناما تالاپتارىن بۇزا وتىرىپ, ەرەكشە ستۋدەنتتەردى مەملەكەتتىك قىزمەتتەرمەن تالاپقا ساي قامتاماسىز ەتپەگەنى بەلگىلى بولدى.
كوللەدجدە ساباق بەرەتىن مۇعالىمدەر بىلىكتىلىك دەڭگەيىنە ساي كەلمەگەن جانە مەكەمەدە سانيتارلىق جانە ورتكە قارسى نورمالار ساقتالماعان.
سونداي-اق كوللەدج ۇجىمى ستۋدەنتتەرگە مەرزىمى وتكەن ازىق-ت ۇلىك پەن مەديتسينالىق پرەپاراتتاردى قولدانعان.
«مەديتسينالىق قارسى كورسەتىلىمدەرى مەن شەكتەۋلەرى بار تالاپكەرلەردى وقۋعا زاڭسىز قابىلداۋ فاكتىلەرىن بىلە تۇرا, تۇركىستان وبلىسىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىلارى ءتيىستى شارالار قابىلداماعان. تەكسەرۋ ناتيجەسىندە زاڭ بۇزۋشىلىقتاردى جويۋ جانە بالا قۇقىقتارىن قورعاۋ ماقساتىندا وبلىس پروكۋراتۋراسى 5 پروكۋرورلىق دەن قويۋ اكتىسىن وبلىس اكىمدىگىنە جانە مەملەكەتتىك ورگانداردىڭ اۋماقتىق دەپارتامەنتتەرىنە ەنگىزدى», دەلىنگەن پروكۋراتۋرا حابارلاماسىندا.
