بىرەۋ بىلەر, بىرەۋ بىلمەس, كەشەگى كەڭەس ۇكىمەتى كەزىندە التايدىڭ بالىن باي-باعلاندار ورتالىققا اتتاي قالاپ العىزىپ وتىرعان ەكەن. ساپاسى دا, سانى دا وزگە وڭىرلەردەن الدەقايدا الدا ەدى. الدا بولماعاندا شە؟! تاۋلى ولكەنىڭ مىڭ ءتۇرلى گ ۇلىنەن الىنعان بال – ءدام عانا ەمەس, ەم دە. الايدا برەندتى بيزنەسكە اينالدىرۋمەن شەكتەلمەي, ونىڭ ساپاسىن ۇستاپ تۇرۋدى دا ومارتا شارۋاشىلىقتارى كۇن تارتىبىنەن تۇسىرمەۋى ءتيىس. تەوريالىق ءبىلىم العان ستۋدەنتتەر قازىرگى ۋاقىتتا ومارتا شارۋاشىلىعىندا ارنايى پراكتيكادان ءوتىپ ءجۇر.
– قىس مەزگىلىندە ستۋدەنتتەر بال ونىمدەرىن ارنايى قۇرىلعىمەن قاتتايدى, قاپتايدى, جاپسىرما قاعازدارىن جاپسىرادى. ءبىزدىڭ شارۋاشىلىقتا ومارتاعا قاجەتتى تەحنيكانىڭ بارلىق ءتۇرى بار. دەمەك, ستۋدەنتتەر بىلىكتى مامان بولىپ شىعادى, – دەيدى «پاسەكا» ومارتا شارۋاشىلىعىنىڭ قىزمەتكەرى رايسا قاسىمباەۆا.
شىعىستا تۋريزم سالاسى دامىعان سايىن بالعا سۇرانىس ارتىپ كەلەدى. سۇرانىس ارتقانىمەن, ومارتاشى ماماندار قات. ەرتەڭگى كۇنى بارىمىزدى, بالىمىزدى جوعالتىپ الماۋ ءۇشىن اراشىلاردى بۇگىن دايىنداپ جاتىر.
پراكتيكانتتار سونىمەن قاتار جاز مەزگىلىندە بال شايقاۋعا قاتىسادى. ومارتالاردى جابدىقتاپ, ارانى كۇتىپ-باپتاۋمەن اينالىسادى. ايتا كەتەيىك, كەيىن ستۋدەنتتەردە وزدەرى قالاعان تاجىريبە بازالارىندا جۇمىسقا ورنالاسۋعا مۇمكىندىك بار. جالپى, س.امانجولوۆ ۋنيۆەرسيتەتى تۇلەكتەرىنىڭ جۇمىسقا ورنالاسۋ كورسەتكىشى 98 پايىزدى قۇرايدى.
شىعىس قازاقستان وبلىسى
