فوتو: informburo.kz
دەپۋتات قاراقات ابدەن وقۋ-اعارتۋ ۆيتسە-مينيسترلىگى مەن ىشكى ىستەر مينيسترلىگىنە بالالاردىڭ بۋللينگە ۇشىراۋى جانە بيلەتى جوق بالانى اۆتوبۋستان ءتۇسىرىپ كەتكەن كەزدە كىم جازالاتىنى تۋرالى ساۋال جولدادى.
«اتا-انالاردىڭ بالالارىنىڭ ءىس-ارەكەتىنە جاۋاپكەرشىلىگىن كۇشەيتۋ ماقساتىندا اكىمشىلىك قۇقىقبۇزۋشىلىق كودەكسكە اتا-انالارعا جاۋاپتىلىق بەرۋ قاراستىرىلىپ وتىر. جۇمىس توبىندا ول تالقىلانىپ جاتىر. سونداي-اق ءىرى قالالاردا بالالاردى اۆتوبۋستان ءتۇسىرىپ كەتۋ جاعدايلارى بار. كىشكەنتاي بالانىڭ اقشاسى جەتپەي قالۋى مۇمكىن. بىراق ونىڭ ارتىندا بالالاردىڭ توڭىپ قالۋى, قاراڭعىدا وزگە دە قاتەرگە ۇشىراۋى مۇمكىن. وسىنداي وقيعالاردىڭ الدىن الۋ ماقساتىندا ارنايى نورما ەنگىزىلىپ وتىر. مينيسترلىك بۇل زاڭنامانى قولدايدى. بۇل جەردە جاۋاپكەرشىلىك اۆتوبۋس جۇرگىزۋشىسى مەن كوندۋكتورعا قاتىستى بولادى», دەدى وقۋ-اعارتۋ ۆيتسە-ءمينيسترى ەدىل وسپان.
ءوز كەزەگىندە ىشكى ىستەر ءمينيسترىنىڭ ورىنباسارى يگور لەپەحا بۇل نورما 14 جاسقا دەيىنگى بالالارعا قاتىستى قولدانىلاتىنىن ايتتى.
«بۇل باپ وسىنداي وقيعالاردىڭ ءجيى قايتالانۋىنىڭ الدىن الادى. بۋللينگ بويىنشا كىشىگىرىم جاعدايلار مەكتەپ پەن مۇعالىمدەر كەڭەسىندە شەشىلەدى. ال ءىرى, اۋقىمدى جاعدايلار بولسا, اكىمشىلىك جاۋاپكەرشىلىكتى قاراستىرامىز. بۇل – قوعامنىڭ سۇرانىسى. سەبەبى كوپتەگەن قۇقىق قورعاۋ ۇيىمدارى, اتا-انالار ءوز بالالارىنا قاتىستى زامانداستارىنان بۋللينگكە ۇشىرايتىنىن ايتادى. سوندىقتان بۇل تەندەنتسيا دا قاجەت جانە جاعىمسىز فاكتىلەردىڭ الدىن الۋدا جۇمىس ىستەيدى دەپ ويلايمىز», دەدى يگور لەپەحا.
