ينۆەستيتسيا تارتۋ جونىندەگى كەڭەس

ساۋدا جانە ينتەگراتسيا مي­نيسترلىگى ساۋدا سالا­سىن­داعى ينۆەستيتسيالاردى ىنتا­لاندىرۋعا باعىتتالعان شارا­لار تۋرالى ەسەپ بەردى. وڭ ناتي­جەلەر كورسەتەتىن ساۋدا نارىق­تارىن جاڭعىرتۋعا ەرەكشە نازار اۋدارىلىپ, 2023 جىلدىڭ ىسكە اسىرىلىپ جاتقان ينۆەستيتسيالىق جوبالاردىڭ جالپىۇلتتىق پۋلى بويىنشا جۇمىس بارىسى تالقىلاندى. وتكەن جىلى پۋل اياسىندا 1,78 ترلن تەڭگەگە 298 جوبا پايدالانۋعا بەرىلىپ, 26,2 مىڭ جۇمىس ورنى قۇرىلدى. ينۆەستيتسيالىق پۋل سانىن ۇلعايتۋعا جانە مەملەكەتتىك ورگان­داردىڭ ىسكە اسىرۋ مەرزىم­دەرىن وزگەرتپەي جۇمىس ىستەۋ قاجەت­تىگىنە ەرەكشە نازار اۋدارىلدى.

بۇدان باسقا ونەركاسىپ جانە قۇ­رىلىس مينيسترلىگىنىڭ ين­دۋست­­ريا­لاندىرۋ كارتاسىنا جوبا­لاردى ەنگىزۋ راسىمدەرىن جەڭىل­دەتۋ بويىنشا تاسىلدەرى ماقۇل­داندى, دەنساۋلىق ساقتاۋ, ەنەر­گەتيكا جانە جەر قويناۋىن پاي­دا­لانۋ سالا­سىنداعى جەكەلە­گەن ينۆەس­تي­تسيا­لىق جوبالار ماسەلە­لەرىن شەشۋ بويىنشا تاپسىرمالار بەرىلدى.

وڭىرلىك دەڭگەيدە الماتى جانە اتىراۋ وبلىستارى اكىمدىكتەرىنىڭ ين­ۆەس­تيتسيالار تارتۋ جونىندەگى جۇ­مىسى قارالدى. وڭىرلەرگە جاڭا ين­ۆەستيتسيالار تارتۋ جانە جوس­پار­­لانعان جوبالاردى ءارى قاراي ور­­نىقتىرۋ ءۇشىن سالالاردى ءارتا­راپ­تاندىرۋدى ارتتىرۋ قاجەتتىگى اتاپ ءوتىلدى.