فوتو: Aqorda.kz
قاسىم-جومارت توقاەۆ شاۆكات ميرزيوەۆتىڭ ەكىجاقتى بايلانىستاردى تەرەڭدەتۋ ىسىنە ەلەۋلى ۇلەس قوسىپ وتىرعانىنا توقتالىپ, قازاقستان ءوڭىر حالىقتارىنىڭ يگىلىگى مەن ءوسىپ-وركەندەۋىنە باعىتتالعان وزبەكستاننىڭ باستامالارىن الداعى ۋاقىتتا دا قولداۋعا دايىن ەكەنىن جەتكىزدى.
كەزدەسۋ بارىسىندا ساۋدا-ەكونوميكالىق ىقپالداستىقتى كەڭەيتۋ ماسەلەلەرى تالقىلاندى. ەكى ەلدىڭ دامۋىنا تىڭ سەرپىن بەرەتىن جاڭا باعىتتاردى قاراستىرۋ جانە ەكىجاقتى تاۋار اينالىمىن ارتتىرۋ ماڭىزدى ەكەنى ايتىلدى.
مەملەكەت باسشىسى كولىك-ترانزيت سالاسىنداعى ىنتىماقتاستىقتى نىعايتۋدىڭ ءمانى زور ەكەنىن اتاپ ءوتتى. پرەزيدەنت قازاقستاننىڭ «داربازا – ماقتاارال» تەمىرجول جەلىسىن سالۋعا كىرىسكەنىن مالىمدەدى. بۇل جولدى ودان ءارى وزبەكستان شەكاراسىنا جەتكىزۋ كوزدەلىپ وتىر. اتالعان تەمىرجول بايلانىسى ەكى ەل اراسىنداعى جۇك تاسىمالىنىڭ كولەمىن ۇلعايتۋعا مۇمكىندىك بەرەدى. قاسىم-جومارت توقاەۆ وزبەكستان تاراپىنىڭ ترانسكاسپي حالىقارالىق كولىك باعدارىن دامىتۋ ىسىنە اتسالىسۋى بارلىق تاراپقا ءتيىمدى بولادى دەپ سانايدى.
ءوز كەزەگىندە باحتيور سايدوۆ قۇرمەت كورسەتكەنى ءۇشىن مەملەكەت باسشىسىنا العىس ايتىپ, وزبەكستان پرەزيدەنتىنىڭ ىزگى تىلەگىن جەتكىزدى.
ءمينيستردىڭ ايتۋىنشا, ەكى ەل باسشىلارى قازاقستان مەن وزبەكستان اراسىنداعى وداقتاستىق قارىم-قاتىناستى نىعايتۋ ءۇشىن جوعارى مەجە قويىپ وتىر. وسىعان وراي باحتيور سايدوۆ بۇعان دەيىن جوعارى دەڭگەيدە قول جەتكىزىلگەن ۋاعدالاستىقتاردى ساپالى جۇزەگە اسىرۋ جونىندەگى بىرلەسكەن جۇمىس جوسپارىن باياندادى.
سونىمەن قاتار كەزدەسۋ بارىسىندا سۋ شارۋاشىلىعى سالاسىنداعى ىنتىماقتاستىق جانە ورتالىق ازياداعى وڭىرلىك قاۋىپسىزدىكتى قامتاماسىز ەتۋ ماسەلەلەرى تالقىلاندى.
بۇدان بولەك, الداعى ۋاقىتقا جوسپارلانعان ەكىجاقتى جانە كوپجاقتى سيپاتتاعى كەزدەسۋلەر مەن ءىس-شارالار كەستەسى قاراستىرىلدى.
