فوتو: pixabay.سوm
«اقپاننىڭ باسىندا وبلىستىق پروكۋراتۋرا مەن قامقورشىلىقتىڭ ءموبيلدى توپتارى جۇرگىزگەن تەكسەرۋ ناتيجەسىندە ءبىر وتباسىنان شىققان ءۇش بالا – 1 قىز جانە 2 ۇل بارى انىقتالدى. پاتروناتتىق تاربيەگە العان وتباسى ولاردى بالالار ۇيىنەن 2018 جىلى العان. ول كەزدە بالالار 14, 12 جانە 8 جاستا بولعان. ۇلدىڭ ۇلكەنىن قالاعا 20 كم قاشىقتىقتاعى ءوز فەرماسىندا ەركىنەن تىس ۇستاپ, مال باعۋعا ماجبۇرلەگەن. فەرمادا ەكى تابىن جىلقى مەن 18 سيىر بار», دەپ جازدى بالا قۇقىقتارى جونىندەگى ۋاكىل.
تەكسەرۋ بارىسىندا ۇلىتاۋلىقتىڭ 3 بالا ءۇشىن جاردەماقى الىپ كەلگەنى دە انىق بولدى. كوميسسيا بارعاندا بالالاردىڭ احۋالى ايانىشتى كۇيدە بولعان. دينارا زاكيەۆا ولاردىڭ سول كەزدەگى كۇيىن دەنەلەرىندە ساۋ تامتىق جوق, كوگەرگەن, تىرتىققا تولى, جۇدەۋ, شارشاڭقى, اش, كىر-قوجالاق, كيىمدەرى جىرتىق ەدى دەپ جازدى.
«بالالاردىڭ ۇلكەنى – قىز, كوللەدجدى تامامداعان, الايدا ءىس جۇزىندە ساباققا مۇلدە بارماعان. ورتانشى ۇل كوللەدجدە «وقيدى». قۇقىق قورعاۋ ورگانى ءبىلىم مەكەمەسىن تەكسەرسە, اتا-اناسى تاراپىنان ۇنەمى بالالاردىڭ اۋىرعانى تۋرالى انىقتامالار ۇسىنىپ وتىرعان ەكەن. قامقورشى قىزدى جۇمىس ىستەمەسەڭ, نە شاعىمدانساڭ, باۋىرلارىڭدى كورمەيسىڭ دەپ قورقىتقان», دەلىنگەن ونىڭ جازباسىندا.
بۇل تەكسەرۋگە ۇلىتاۋ وبلىسى اكىمى بەرىك ابدىعالي ۇلى, پروكۋراتۋرا, ءىىم اتسالىسقان. ءىس بارىسىندا قامقورشىنىڭ جاقىندا تاعى دا «پاتروناتقا الۋعا بولاتىن باسقا دا بالالار بار ما؟» دەپ سۇراستىرعانى انىقتالدى.
بالا قۇقىقتارى جونىندەگى ۋاكىل قازىر ءىىم, پروكۋراتۋرا مەن باسقا دا مەملەكەتتىك ورگاندار بىرلەسىپ بۇكىل ەل بويىنشا پيلوتتىق رەجيمدە جۇمىس ىستەيتىن ءموبيلدى توپتار قۇرىلعانىن مالىمدەدى.
