فوتو: قر تجم
ءورت تۋرالى حابار ساعات 12:11-دە تۇسكەن. ءورت 12:57-دە وقشاۋلانىپ, 13:11-دە ءسوندىرىلدى.
«توتەنشە جاعدايلار قىزمەتىنىڭ كۇشتەرى ەكى ادامدى قۇتقارىپ, اۋرۋحاناعا جاتقىزدى. ءۇش ادام باسپالداقپەن ەۆاكۋاتسيالاندى», دەپ حابارلادى توتەنشە جاعدايلار مينيسترلىگى.
توتەنشە جاعدايدى جويۋعا جەكە قۇرامنىڭ 21 ادامى مەن 8 تەحنيكاسى جۇمىلدىرىلدى.
ايتا كەتەيىك, بۇگىن 17 اقپاندا ساعات 10:40-تا ءورت سوندىرۋشىلەر الماتىداعى باراحولكا قويماسىنداعى شاقىرتۋعا باردى. ءورت سوندىرۋشىلەر مۇقيات جۇمىس ىستەيدى. سەبەبى قويمادا گاز باللوندارى, اەروزول گازدارى, بوياۋ جانە لاك ونىمدەرى سياقتى جارىلعىش زاتتار بولدى.
ساعات 12:28-دە الماتى قالاسىنىڭ توتەنشە جاعدايلار دەپارتامەنتى قويماداعى ءورتتى وقشاۋلاپ ۇلگەردى. نىساننان شىققان قويۋ تۇتىنگە بايلانىستى ءورت اۋماعىن انىقتاۋ ءالى مۇمكىن بولمادى.
