فوتو: ۆيدەوسكرين
«كامەلەتكە تولماعان بالالارعا شابۋىل جاساعان كۇدىكتى قاماۋعا الىندى. قازىرگى ۋاقىتتا ول اۋداندىق پوليتسيانىڭ ۋاقىتشا ۇستاۋ يزولياتورىندا وتىر, تەرگەۋ ارەكەتتەرى جۇرگىزىلىپ جاتىر. ايتا كەتەيىك, كۇدىكتى الماتى وبلىسى, قاراساي اۋدانىندا ۇستالدى. تەرگەۋ بارىسى مەنىڭ جەكە باقىلاۋىما الىندى. وزگە اقپارات قازاقستان رەسپۋبليكاسى قىلمىستىق-پروتسەسسۋالدىق كودەكسىنىڭ 201-بابىنىڭ ەرەجەلەرىنە سايكەس جاريا ەتۋگە جاتپايدى», دەدى وبلىستىق پوليتسيا دەپارتامەنتىنىڭ باستىعى باۋىرجان الەنوۆ.
بۇعان دەيىن الەۋمەتتىك جەلىدە الماتى وبلىسىندا بەلگىسىز ەر ادام ءتورت بالانى ۇرىپ-سوعىپ, ازاپتاپ جاتقانى تۋرالى اقپارات تاراعان ەدى. Telegram-داعى ارنالاردىڭ بىرىندە بۇل وقيعا الماتى وبلىسىنىڭ جامبىل اۋدانىندا بولعانى جازىلعان.
«بەلگىسىز ەر ادام ءتورت كىشكەنتاي بالانى بايلاپ, ۇرىپ-سوعىپ, ازاپتاپ, پىشاقتاعان. پوليتسەيلەر كۇدىكتىنى انىقتاپ, ونى ۇستاۋ شارالارىن جۇرگىزىپ جاتىر», دەلىنگەن جازبادا.
