فوتو: مادەنيەت جانە اقپارات مينيسترلىگى
ء«بىز العاش رەت 8 تىلدە تاراتىلاتىن «مادەنيەت» ونلاين-پورتالىن ىسكە قوسامىز. جاڭا پورتال ارقىلى مادەني قۇندىلىقتارىمىزدى ەل اۋماعىندا عانا ەمەس, شەت ەل اۋديتورياسىنا دا ناسيحات ەتۋدى ماقسات ەتىپ وتىرمىز. ونىڭ نەگىزگى مىندەتى – ءاربىر قىزىعۋشى ۇيدەن شىقپاي, ءتول مادەنيەتىمىزدىڭ بارلىق ساي-سالاسىن ارالاۋعا – مۋزەي, كىتاپحانا, تەاتر, ۇلتتىق كينو, كورمەلەر, رۋحاني قورىقتار, ۇلتتىق مۋزىكانىڭ التىن قورى مەن زاماناۋي اۋەزدىڭ جاڭا ۇلگىلەرىمەن تانىسۋعا جاعداي جاساۋ. بۇنداي جوبالار الەمدىك تاجىريبەدە ءوز تيىمدىلىگىن باياعىدا-اق كورسەتكەن. ماسەلەن, كۇنىنە 50 مىڭ ادام كىرەتىن «لۋۆر» مۋزەيى ونلاين كەڭىستىكتە 10 ميلليون «ۆيرتۋالدى تۋريستەردى» قابىلدايدى», دەدى مينيستر.
اتالعان پورتالدا قازاقستاننىڭ تاريحى مەن مادەنيەتى اراب, اعىلشىن, قىتاي, ورىس, تۇرىك, فرانتسۋز, يسپان, تۇرىك, قازاق تىلدەرىندە ناسيحاتتالادى.
قازاقستان مادەنيەتىنىڭ ءتۇرلى سالالارىنا ارنالعان بولىمدەردە تالانتتار, ەلدىڭ دامۋ مۇمكىندىكتەرى, تەاتر قويىلىمدارى, كينويندۋستريا, مۇراجايلار, كىتاپحانالار, مۇراعاتتار, تۋريستىك ورىندار, قولونەر, سونداي-اق قازاقستاننىڭ ساۋلەت ونەرىندەگى جەتىستىكتەرى تۋرالى اقپاراتتار ۇسىنىلادى.
الەمدىك قوعامداستىق نازارىن قازاقستاننىڭ مادەني مۇراسى مەن سان قىرىنا اۋدارۋ ءۇشىن بۇل سايتتى اشۋ – ماڭىزدى قادام.
اتالعان جوبا 2024 جىلدىڭ 1 ناۋرىزىندا جۇزەگە اسادى.
