ينفلياتسيا باسەڭدەۋى مۇمكىن

تاياپ كەلە جاتقان سالىق كە­زەڭ قارساڭىندا قارجى نارىعى ساراپ­شىلارىنىڭ ۇلتتىق ۆاليۋتا باعا­مىنا قاتىستى قىسقامەرزىمدى كۇتۋ­لەرى ءبىرشاما جاقسارىپتى. ناۋ­رىز ايىنىڭ باسىندا دوللار مەن تەڭگە باعامى ءبىر دوللار ءۇشىن 455,0 تەڭگە (1 اي بۇرىن 457,4 تەڭ­گە) بەلگىسىندە بولجانادى. دە­گەن­­مەن الداعى ۋاقىتتا مۇناي با­عا­­سىنىڭ قۇبىلۋى, بازالىق مول­­شەر­لەمەنىڭ تومەندەۋىنە بايلانىستى تەڭگە قۇرالدارىنىڭ تارتىمدىلىعىنىڭ ازايۋى, سون­داي-اق يمپورت پەن سىرتقى بورىش بويىن­­شا تولەمدەردىڭ ءوسۋى اياسىندا ۇلت­تىق ۆاليۋتانىڭ ءبىر دوللار ءۇشىن 478,3 تەڭگەگە دەيىن السىرەۋى بايقا­لۋى مۇمكىن.

ال مۇناي باعاسى بويىنشا كۇتۋ ءبىر جىلدان كەيىن ناشارلاپ, قاڭتار ايىنداعى 85,4 دوللارعا قارسى باررەلىنە 83,9 دوللاردى قۇراپتى.

سونىمەن قاتار ساۋالناماعا قاتىسۋشىلاردىڭ 83 پايىزى كەلەسى وتىرىستا بازالىق پايىزدىق مولشەرلەمە تومەن­دەيدى دەپ كۇتسە, سونىڭ ىشىندە 67 پايىزى ناقتىلى 25 بازالىق تارماققا, ياعني 15,25-تەن 15,0 پايىزعا دەيىن تومەندەيدى دەپ كۇتىپ وتىرعانىن مالىمدەگەن. 

«سىرتقى جاعدايلاردىڭ جاق­سارۋى جانە ەلدە جۇرگىزىلىپ جات­قان ينفلياتسياعا قارسى ساياسات ساراپ­شىلاردىڭ ينفلياتسيالىق كۇتۋىنىڭ ايتارلىقتاي جاقسارۋى­نا ىقپال ەتتى. 12 اي وتكەننەن كەيىن جىلدىق 12,5 پايىز بازالىق مولشەرلەمەمەن ينفلياتسيا 8,8 پايىز­دى (1 اي بۇرىن 9,7 پا­يىز) قۇراۋى مۇمكىن», دەلىنەدى قاۋىمداستىق اقپاراتىندا.