فوتو: اشىق دەرەككوز
بۇگىن وسى جاعدايعا بايلانىستى وبلىستىق ءبىلىم باسقارماسىنىڭ باسشىسى اسقاربەك ەسجانوۆ جۋرناليستەرگە ماسەلەنىڭ ءمان-جايىن ايتىپ بەردى. باسقارما باسشىسىنىڭ ايتۋىنشا, وقيعا 12 اقپان كۇنى 14:00-دەن كەيىن بولعان. الدىن-الا تەرگەۋ امالدارى №189 ورتا مەكتەپتىڭ 9 سىنىپ وقۋشىسىنىڭ ولىمىنە بالالار اراسىنداعى كيكىلجىڭ سەبەپ بولعانىن انىقتادى.
«وسىعان بايلانىستى وبلىس اكىمىنىڭ تاپسىرماسىمەن وبلىس اكىمىنىڭ ورىنباسارى, قالا اكىمى قايتىس بولعان بالانىڭ وتباسىنا بارىپ كوڭىل ايتىپ, قاجەتتى كومەك كورسەتىلدى. دەگەنمەن دە «تاس تۇسكەن جەرىنە اۋىر» ەكەندىگىن تۇسىنەمىز. ءبىز ءار بالانىڭ ءومىرى مەن قاۋىپسىزدىگىنە جاۋاپتىمىز. تاربيە سالاسىن باقىلاماعانى ءۇشىن مەكتەپ ديرەكتورى مەن ونىڭ وسى سالاعا جاۋاپتى ورىنباسارى قىزمەتىنەن بوساتىلدى», دەدى باسقارما باسشىسى.
كەشە الەۋمەتتىك جەلىدە «بالا پىشاق جاراقاتىنان قايتىس بولىپتى», دەگەن دە اقپارات تاراعان. بۇل نەگىزسىز اڭگىمە. الدىن الا تەرگەۋ بارىسىندا بالا ولىمىنە قاتىسى بار دەگەن كۇدىككە ءبىر وقۋشى ءىلىندى. ول سول مەكتەپتىڭ ونىنشى سىنىپ وقۋشىسى بولىپ شىقتى. قازىر جاعداي جان-جاقتى تەكسەرىلىپ جاتىر.
