فوتو: pixabay
The Telegraph باسىلىمىنىڭ جازۋىنشا, بۇگىن, ءتورت جىلدان كەيىن كورەي حالىق دەموكراتيالىق رەسپۋبليكاسىنا كىرۋگە رۇقسات العان العاشقى تۋريستەر - رەسەي فەدەراتسياسىنىڭ ازاماتتارى. ارنايى تۋريستىك ۆيزا العان رەسەيلىكتەر سولتۇستىك كورەيا اۋماعىندا ءتورت كۇن بولادى.
كحدر-عا باعىتتالعان تۋردى رەسەيلىك تۋروپەراتورلار ساتادى. ياعني, رەسەيلىك تۋريستەر ۆلاديۆوستوكتان پحەنيانعا جانە سولتۇستىك كورەيانىڭ ماسيكريونگ تاۋ شاڭعىسى كۋرورتىنا بارا الادى. تاۋ بوكتەرىندەگى بەلسەندى دەمالىستى ادەمى پەيزاجدارمەن ۇيلەستىرۋگە بولادى. جول ءجۇرۋ قۇنى - ءبىر ادامعا 750 دوللار (337,3 مىڭ تەڭگە). بۇل سوماعا بەس جۇلدىزدى قوناقۇيدە ەكى ءتۇن جانە ءتورت جۇلدىزدى قوناقۇيدە ءبىر ءتۇن تۇنەۋ كىرەدى.
رەسەي فەدەراتسياسىنان كحدر-عا مۇنداي تۋرلار تۇراقتى بولا ما, الدە بۇل ءبىر رەتتىك وقيعا ما, ءتۇسىنۋ قيىن, بىراق ءتورت جىل بويى شەتەلدىكتەردەن تولىعىمەن وقشاۋلانعان ەل ءۇشىن بۇل ۇلكەن قادامنىڭ ءبىرى. دەگەنمەن, سولتۇستىك كورەياعا كەز كەلگەن ادامدى كىگىزە بەرمەيدى - ونىڭ شەكارالارى باتىس ەلدەرىنەن كەلگەن تۋريستەر ءۇشىن جابىق كۇيىندە قالادى.
ەسكە سالايىق, سولتۇستىك كورەيا كوروناۆيرۋستىڭ تارالۋىن بولدىرماۋ ءۇشىن 2020 جىلدىڭ باسىندا تۋريستەر ءۇشىن شەكاراسىن تولىقتاي جاۋىپ تاستادى. سول ساتتەن باستاپ شەتەلدىكتەردىڭ كحدر-عا كىرۋ مۇمكىندىگى شەكتەۋلى بولعان.
