«قۇجاتتاعى باستى باسىمدىقتاردى ەسكەرە وتىرىپ, دامۋدىڭ ءۇش باعىتى بەلگىلەندى. بانكتىڭ ەل ەكونوميكاسىنا قوسقان ۇلەسىن ۇلعايتۋ جانە بانك اكتيۆتەرىن باسقارۋدىڭ تيىمدىلىگى مەن تۇراقتى دامۋى ايقىندالدى. بۇل مەملەكەت باسشىسىنىڭ 2029 جىلعا قاراي ىشكى جالپى ءونىم كولەمىن ەكى ەسەگە ارتتىرۋ جونىندەگى بەلگىلەنگەن مىندەتكە قول جەتكىزۋگە ەلەۋلى ۇلەس قوساتىنىنا سەنىمدىمىز», دەيدى «بايتەرەك» ۇبح» اق ەكس-باسقارما توراعاسى, قدب ديرەكتورلار كەڭەسىنىڭ باسشىسى نۇرلان بايبازاروۆ.
اتالعان تۇراقتى دامۋعا قاتىستى ءبىرىنشى باعىتتا, بانك الەۋمەتتىك-ەكونوميكالىق اسەرى مول, ورتا جانە جوعارى قايتا وڭدەۋ ونىمدەرىن شىعارۋعا زەر سالىپ, وڭدەۋشى ونەركاسىپ جوبالارىن قارجىلاندىرۋدى كوزدەيدى. سونىمەن قاتار يمپورتتى الماستىرۋدى قامتاماسىز ەتەتىن جانە ەكسپورتتىق الەۋەتى بار جوبالارعا قولداۋ كورسەتە وتىرىپ, ەلىمىزدىڭ ينفراقۇرىلىمىن دامىتۋعا قارجىلاي قۇرالدار ۇسىناتىن بولادى. بۇل باعىتتاعى باستى مىندەتتەردىڭ ءبىرى – جالپى ەل ەكونوميكاسىن دامىتۋداعى جەكە سەكتوردىڭ ءرولىن نىعايتۋعا كومەكتەسەدى.
وسى مىندەتتەردى ىسكە اسىرۋ ءۇشىن قدب ينۆەستيتسيالىق جوبالار مەن ەكسپورتتىق وپەراتسيالاردى ورتا جانە ۇزاقمەرزىمدى نەسيەلەۋدى, اعىمداعى قىزمەتتى نەسيەلەۋدى, سينديكاتتالعان قارجىلاندىرۋدى, ليزينگتىك مامىلەلەردى قارجىلاندىرۋدى, كەپىلدىكتەر بەرۋدى جانە بانكارالىق قارجىلاندىرۋدى قوسا العاندا, قۇرالداردىڭ كەڭ سپەكترىن پايدالاناتىن بولادى.
2033 جىلدىڭ سوڭىنا قاراي قدب-نىڭ ماقساتى ونەركاسىپتى دامىتۋ قورىنىڭ قۇرالدارى ارقىلى 3,1 ترلن تەڭگەنى قوسا العاندا, وڭدەۋ ونەركاسىبى مەن ينفراقۇرىلىمعا 9,3 ترلن تەڭگە سوماسىندا ينۆەستيتسيا بولۋگە ءتيىس. بۇل رەتتە بانكتىڭ نەسيەلىك قورجىنى قۇرىلىمىنداعى ورتا جانە جوعارى قايتا وڭدەۋ تاۋارلارىن شىعارۋ جوبالارىنىڭ ۇلەسى 2033 جىلعا قاراي كەمىندە 30%, ال ينفراقۇرىلىمدىق جوبالاردىڭ ۇلەسى 35%-دى قۇراۋى شارت. وسىلايشا, ناقتى قولداۋدىڭ ارقاسىندا كاسىپورىندار ءوز قارجىلىق كورسەتكىشتەرىن جاقسارتا الادى. ماسەلەن, بانك ماقساتى ىسكە اسقان جاعدايدا قولداۋ كورسەتىلگەن كاسىپورىنداردىڭ ءتۇسىم كولەمى 2024-2033 جىلدارى 5,17 ترلن تەڭگەگە دەيىن ءوسىپ, ەكسپورتتىق ءتۇسىم كولەمى 2 ترلن تەڭگەدەن اسۋعا ءتيىس دەگەن بولجام بار.
ەكىنشى باعىت – قدب قورجىنىنىڭ قارجىلىق تۇراقتىلىعى مەن جوعارى ساپاسىن ساقتاۋدى, جوبالاردى كەيىننەن قارجىلاندىرۋ ءۇشىن قورلاندىرۋ بازاسىن ۇلعايتۋدى بىلدىرەدى. وسى باعىتتى ىسكە اسىرۋ ناتيجەسىندە بانك اكتيۆتەرىنەن نەسيەلىك جانە ليزينگتىك قورجىنداردىڭ ۇلەسى 2033 جىلعا قاراي 77%-دى قۇراۋعا ءتيىس. بانك قاراجات تارتۋ ءۇشىن ىشكى جانە حالىقارالىق كاپيتال نارىعىندا بەلسەندى جۇمىس ىستەۋدى جالعاستىرادى.
ءۇشىنشى باعىت – وسى جىلعا دەيىن بانك قىزمەتىنە ESG-قاعيداتتارى تۇگەل ەنگىزىلىپ, وسى ارقىلى تۇراقتى دامۋ سالاسىنداعى بەلگىلەنگەن حالىقارالىق كەلىسىمدەر مەن كورسەتىلگەن ستاندارتتار تالاپتارىنا سايكەس جۇرگىزىلەتىن بولادى. بۇگىندەرى الەۋمەتتىك جاۋاپتى ۇيىم رەتىندە ESG ەنگىزۋدە ءوزىنىڭ «جول كارتاسىن» ىسكە اسىرۋدى قولعا الدى.
