banket.kz
«نۇرلى جان» (NURLY ZHAN) يۋتۋب ارناسىنا سۇحبات بەرگەن اكتەر 2007 جىلى اكەسىنىڭ ۇيدەن كەتىپ, ءالى ورالماعانىن ايتتى.
«وتباسىندا ەكى اعايىندىمىز, وزىمنەن كەيىن قارىنداسىم بار. 2007 جىلى اكەمىز ەش سەبەپسىز ۇيدەن كەتىپ ورالمادى. قارىنداسىمنىڭ ۇيىنە بارىپ تىلدەي قاعازعا «بارىڭە رازىمىن» دەپ جازىپ كەتكەن ەكەن. باسقا ەش دەرەك-دايەك جوق. قازاقستاننىڭ بارلىق ايماعىن شارلاپ ىزدەدىم, بىرنەشە اي كوشە كەزگەن ءۇيسىز جانداردىڭ دا قاسىندا بولىپ, اكەم تۋرالى قانداي دا ءبىر حابار شىعىپ قالا ما دەپ سۇراستىردىم, ەش قايران بولمادى. ءۇمىتىم زور, اكەم وسى سۇحباتىمدى كورىپ, بولماسا ەستىسە ورالسا ەكەن دەيمىن. اكەنىڭ ورنى بولەك قاشاندا, اسقار تاۋىڭدى ارقاشان قۇرمەتتەۋ كەرەك, وعان قارسى ءسوز ايتۋعا بولمايدى. كەيىنگى جاستار وسىنى ۇعىنسا ەكەن دەيمىن. اكەم تاكسي قىزمەتىن اتقارىپ, جيناعان اقشاسىمەن مەنى جوعارى وقۋ ورنىندا وقىتتى. ءوزى بالا كۇنىنەن جوقشىلىقتىڭ زاردابىن تارتقان, سىرقات اناسىن ءوزى باعىپ-قاعىپ جەتكىزگەن كىسى. اكەم احمەتوۆ كامبىل بولات ۇلى تۋرالى قانداي دا ءبىر اقپارات بىلەتىندەر بولسا, حابارلاسسا ەكەن. ۇيدە بەس نەمەرەسى, قۇداي قوسقان قوساعى انامىز, ۇل-قىزى, كەلىنى كۇتىپ وتىر. بۇعان دەيىن اكەم جايىندا بۇلاي كوپكە جاريا ەتىپ ايتپاپ ەدىم», دەگەن اكتەر اكەسىنىڭ تابىلاتىنىنا سەنىمدى ەكەنىن جەتكىزدى.
