فوتو: akorda.kz
«الداعى مىندەتتەردى ورىنداۋ ءۇشىن ۇكىمەتكە دە, اكىمدىكتەرگە دە ءتيىستى قۇزىرەت بەرىلگەن. الايدا, بۇل مۇمكىندىكتەر كوپ جاعدايدا دۇرىس قولدانىلماي جاتادى. سونىڭ كەسىرىنەن رەفورمالاردى جۇزەگە اسىرۋ قارقىنى باسەڭدەپ كەتتى. مۇندايدى دوعارۋ كەرەك», دەدى ق.توقاەۆ.
مەملەكەت باسشىسى ەكونوميكالىق ماسەلەلەردى كوپ تالقىلاۋ ءىستىڭ ءمانىن وزگەرتەتىنىن تىلگە تيەك ەتىپ, جەدەل شەشىم قابىلداۋ ارقىلى ۇزاقمەرزىمدى جوسپاردى قامتۋ ماسەلەسىن العا تارتتى.
«مەملەكەتتىك ورگاندار اراسىندا ءوزارا كەلىسۋ مەن تالقىلاۋ جۇمىسى اياقتالعانشا, كەز كەلگەن باستامانىڭ نەگىزگى ءمان-ماڭىزى دا وزگەرىپ كەتەدى. بيۋروكراتيانى توقتاتۋ قاجەت, بىزگە ناقتى ناتيجە كەرەك. ۇكىمەت پەن اكىمدەر جۇمىس ىستەۋ ءتاسىلىن تۇبەگەيلى وزگەرتۋگە ءتيىس. جۇمىس بارىسىندا جۇيەلى ۇستانىم بولۋى قاجەت. ماسەلەنى جەدەل شەشۋمەن قاتار, ەكونوميكانىڭ ۇزاقمەرزىمدى دامۋىن قامتاماسىز ەتۋ وتە ماڭىزدى. قازىرگى جاعدايدا ەكونوميكامىزدىڭ مەيلىنشە ەركىن دامۋىنا ءمان بەرۋىمىز قاجەت. ەلىمىزدى دامۋدىڭ جاڭا بەلەسىنە شىعارامىز دەسەك, بۇل جۇمىستى جەدەل جانە دايەكتى تۇردە جۇرگىزگەن ءجون. مەن بىلتىرعى جولداۋىمدا جاڭا ەكونوميكالىق ساياساتتىڭ نەگىزگى باعىتتارىن ايقىنداپ بەردىم», دەدى پرەزيدەنت.
