كەلىسىممەن بىتكەن ءىس كەلەلى

تالدىقورعاندا وتكەن كەزدەسۋ بارىسىندا ەكىجاقتى ىنتىماقتاستىقتى دامىتۋ جانە وڭىرگە ينۆەستيتسيا تارتۋ ماسەلەلەرى تالقىلاندى.

«جالپى, ءبىزدىڭ وڭىردە 5 نەگىزگى سترا­تەگيالىق باعىت بويىنشا, اتاپ ايتقاندا, اگروونەركاسىپتىك كەشەن, كولىك جانە لوگيس­تيكا, تۋريزم, جەر قويناۋىن پايدالانۋ جانە بالامالى ەنەرگەتيكا سالالارىنا جاڭا ينۆەستورلاردى تارتۋ جۇمىستارى جۇرگىزىلۋدە. جەتىسۋ وبلىسىندا ەڭ الدىمەن, سۋ, جەل جانە كۇن ەنەرگياسى باعى­تىن­داعى جاڭارتىلعان ەنەرگيا كوزدەرىنىڭ اي­تار­لىقتاي الەۋەتى بار ەكەنىن اتاپ وت­كىم كەلەدى. ءوڭىردىڭ قولايلى تابيعي-كلي­ماتتىق جاعدايى تۋريستىك سالانى دامى­تۋعا ۇلكەن مۇمكىندىك بەرىپ وتىر. جەتى­سۋ­دىڭ توپىراعى قۇنارلى, سۋى مول, سون­­دىقتان اۋىل شارۋاشىلىعىن بەلسەن­دى دامى­تىپ كەلەمىز, قازىر ءبىز ىلعال ۇنەم­­دەيتىن تەحنولوگيالارعا باسا نازار اۋدارا باستادىق. بيزنەستى دامىتۋعا, ين­ۆەس­­تي­تسيالار تارتۋعا قاجەتتى جاعداي جا­ساي­مىز. امەريكالىق ينۆەستورلاردى ىن­تى­ماق­تاستىققا شاقىرامىن», دەدى ب.يساباەۆ.

اقش-تىڭ باس كونسۋلى ميشەل ەركىن قاتىسۋشىلارعا ءوزىنىڭ ساياسي ماسەلەلەر جونىندەگى كەڭەسشىسى سەميۋەل فونتەلا مەن باس كونسۋلدىڭ كومەك­شىسى زۋلفيرا سادىقجانوۆانى تانىس­تىردى. سونىمەن قاتار ول وڭىردەگى بالامالى ەنەرگەتيكانى, اسىرەسە كۇن ەنەر­گەتيكاسىن دامىتۋ مۇمكىندىكتەرىنە قىزىعۋشىلىق تانىتتى, سونداي-اق وبلىس اكىمدىگىنىڭ تەڭگەرىمىنە بۇرىن بەرىلگەن «قورعاس» حشىو مەن «قورعاس-شىعىس قاقپاسى» اەا قىزمەتىنە قاتىستى وز­دەرىن قىزىق­تىرعان ماسەلەلەر جايلى سۇرادى. سونداي-اق اۋىل شارۋاشىلىعىن دامىتۋ سالاسىنا دا قىزىعۋشىلىق تانىتتى. جازدا الاكول اۋدانىندا جىل سايىن وتەتىن «Lepsi» حالىقارالىق اۋىل شارۋاشىلىعى كورمەسىنە قاتىسۋعا نيەت ءبىلدىردى. باس كونسۋلدىڭ بۇل ۇسىنىسىنا وبلىس اكىمى قولداۋ بىلدىرەتىنىن ايتتى.

كەزدەسۋ سوڭىندا قوس تاراپ الداعى ۋاقىتتا ساۋدا-ەكونوميكالىق جانە ما­دەني-گۋمانيتارلىق بايلانىستارعا دا­يىن ەكەندىكتەرىن ءبىلدىردى.

جوعارىدا ايتقانىمىزداي, ءتۋريزم­دى دامىتۋ – جەتىسۋ وڭىرىندەگى باسىم باعىتتاردىڭ ءبىرى. وسى رەتتە وبلىستىق كاسىپكەرلەر پالاتاسىنىڭ وكىلدەرى قىتايعا بارىپ, شىڭجاڭ-ۇيعىر اۆتونو­ميالىق اۋدانىندا تۋريستىك نىساندار بويىنشا سيمپوزيۋمعا قاتىستى.

اتالعان ءىس-شارادا قىتاي-قازاقستان ءتۋريزمىنىڭ كەلەشەگى تۋرالى تالقىلاندى. ەكى مەملەكەت تە تۋريستىك رەسۋرستارعا باي جانە دامۋ ءۇشىن ۇلكەن الەۋەتكە يە. ەلىمىز وڭدەۋ مەن يگەرۋدە بىرەگەي ەكولوگيالىق رەسۋرستارعا باي. سونداي-اق قارجىلىق سالىمدار بويىنشا تابىستى ىسكە اسىرىلۋى مۇمكىن كوپتەگەن جوبا بار. الايدا قىتاي-قازاقستان ءتۋريزمىن دامىتۋدا كەدەرگىلەر كەزدەسەدى. سول سەبەپتى حالىقارالىق ءىس-شارادا ولاردى شەشۋ جولدارىنىڭ مۇمكىندىكتەرى قاراستىرىلدى.

ەكى ەل اراسىندا ۆيزاسىز رەجىم قول­دانى­لادى. وندا ازاماتتاردىڭ مەم­لەكەت­تەر اۋماعىندا بولۋ مەرزىمى 30 كۇننەن اسپاۋى كەرەك. قازىر ەكى ەل ءۇشىن دە تۋريستىك سالا بويىنشا تۋىنداعان ماسەلە كوپ. شەكارادا تۋريستىك مارشرۋت جوق. تۋريستەردىڭ ءوتۋى جالپى ارنايى ءجۇرۋ ورنى ارقىلى جۇزەگە اسىرىلادى, بۇل ءوز كەزەگىندە مارشرۋتتاردىڭ ءوتۋىن قيىنداتادى. سوندىقتان دا تۋريستەر ءۇشىن جەكە كولىك ءتۇرى قاجەت. وسى رەتتە كەدەندىك باقىلاۋدان جەدەل ءوتۋ ءۇشىن تۋريستىك كومپانيالاردان تىزىمدەردى الدىن الا بەرۋ تۋرالى ۇسىنىس ەنگىزىلدى.

بۇل ماسەلەمەن قاتار ەلەكتروندى كوم­مەر­تسيا بولىگىندە تۋىندايتىن قيىندىق­تار دا تالقىلاندى. قازىر ەلدىڭ كوپتەگەن ازا­ماتى ونلاين تاۋارلار ساتىپ الادى. بىراق تاۋارلاردىڭ ءترانزيتى قيىن. ەلدەر­دىڭ شەكارالارىندا كىدىرىس بار. قاۋىپ­سىزدىك تەكسەرۋلەرىنەن ءوتۋ, تاۋاردى ءبولۋ, «قازپوشتا» ارقىلى پوشتا-لوگيستيكالىق قىز­مەتتەردەن ءوتۋ كوپ ۋاقىت الادى. جەكە كوم­پانيالار تاۋارلاردى بولەك تاسىمالداي ال­مايدى. ەلەكتروندى كوممەرتسيانىڭ دامۋى بيزنەستىڭ ورلەۋىنە مۇمكىندىك بەرەدى.

ءوز كەزەگىندە وبلىستىق كاسىپكەرلەر پالاتاسىنىڭ توراعاسى داۋرەن وڭالباەۆ ءىس-شارانىڭ ماڭىزدىلىعىن اتاپ ءوتىپ, ايتىلعان پروبلەمانىڭ ءبارى حاتتامالاردا كورىنىس تاباتىنىن جانە تابىستى ارىپتەستىك الدىمەن ولاردى شەشۋ جولدارىن ىزدەستىرۋدە قۇرىلاتىنىن جەتكىزدى.

جەتىسۋ وبلىسى